Texts
Return to list | edit | delete | Create a new | history | Statistics | ? Help
Remšujeva Santra . Lyhyt starina
Remšujeva Santra
Lyhyt starina
Karelian Proper
New written karelian
Ukko
ta akka kun ennein oltih hyvin köyhät ta paharaisat .Vanhat , vanhat ta paharaisat šemmoset .Köyhäsešti hyö eletäh ta pruasniekka on tulošša .
Šanou še akka ukolla :
– Emmäkö myö hoti noita verkko-čotkija lähe laše järveh , emmäkö šua pruasniekakši vereštä kalua .– Il’l’an-päiväkö lienöy ollun tulošša vain mi še pruasniekka .
– Ka läkkä myö häntä , ukko šanou .
Mitä lienöy paharaiskoja verkkoja ollun heilä , kerätäh ne vakkah .Männäh veneheh , lykätäh še veneh vesillä ta lähetäh šoutamah .Akka šoutau , ukko peräššä .Niinhän še oli tapa kaikičči , jotta akka šoutau , ukko peräššä .Ei ne ukot šoutan , akka šoutau , ukko peräššä .Jo šalmilla ollah šinne mänöššä , ni šanou ukko :
– Ka emmä muistan ni vapua ottua , jotta šituo šitä verkkuo .
– Ka mänkä tuoh šuareh , ta šuat vapua , šanou akka .
Männäh velli , šiih šuareh männäh .Ukko könttäy peräštä noušša šinne vapua leikkuamah .Kaččou , kun on kuušen juurilla lipaš .No mitä ilmaista čuutuo tämä lipaš nyt kuušen juurilla on ?
Ukko avuau šen lippahan .Ka kaččou , kun on šielä voirasie .Ennein oli niitä puušta luajittuja voiraseita .Voirasie on .No ken on tänne heittän nämä šivotaiseh , kun tiälä nyt kuušen juurilla ollah ?Avuau šiitä šen rasien , ni šielä on tuonmittani hiiren häntä rasiešša .Ei mitänä muuta .
Ta kun ois še hiiren häntä pitempi ollun , ni ois tämäki starina pitempi ollun .A kun oli še hiiren häntä lyhyt , ni šemmoni i še starina .Tämä oli lyhyt starina .
Lyhyt starina
Karelian Proper
New written karelian
–
–