Texts
Return to list | edit | delete | Create a new | history | Statistics | ? Help
Balaban Ol’ga . Vastkat! Keväz’ om tulnu!
Balaban Ol’ga
Vastkat! Keväz’ om tulnu!
Veps
New written Veps
Maidnedal’
om üks’ kaikid armhembiš rahvahan praznikoiš päi .Sen aigan voib udištada sebraližid kosketusid – tariž vaiše pakita prostindad toine toižel da sid’ praznuita maidnedalid kaikes südäimespäi !
Keväz’kun 2. päiväl – Voipühäpäiväl vai maidnedalin jäl’gmäižel päiväl – Vologdan agjan Babajevon rajonan Kuja-küläs läz Vepsläšt etnokul’turišt keskust oli rahvahaline praznik .Sen tegijad paniba äi väged sihe , miše tal’ven satmine mäniži ani hüvin .A mitte-žo maidnedal’ om ilma veslita vändoita da ilotusita ?Tematine koncertprogramm , erazvuiččid ilotusid , vändoid , pajoid , konkursoid , adivsömid , kürzid , hul čai samvaraspäi – nece kaik oli praznikal .Eläjad kerazihe kacmaha tradicionaližihe ilotusihe da satmaha tal’ved ilokahašti .Hö voibištelihe pölusil , ambuskeliba rogatkišpäi , vediba noran , lükäižiba kan’gan , ühtniba "ken om kaikid vägekahamb " – da "hüpkid havadoiš " -konkursoihe , maidnedalin estafetoihe da toižihe melentartuižihe azjtegoihe .
Necen kaikid judukahamban da ilokahamban praznikan päatributaks , mitte kükseb kovad tal’ved , lugetas "kehkermodošt " kürzad , ved’ ende se oli päiväižen simvol – mugoine-žo loštai da hul .Praznikan päiväl kaik tahtnikad söiba külläks maksutomid kürzid da toižid magedusid .Pähenged , Tal’v-emäg da Maidnedal’ , čomiš sädoiš kucuiba adivoid ühtnemaha praznikaha ."Gornica "-kollektivan ilokahad pajod da horovodad libutiba kaikile mel’t . Praznikan aigan adivoiden täht kului čoma muzik , i azjtegon ühtnikad kargaižiba hüviš meliš : veslad melodijad da keväz’kun pakaine kuti kucuiba kargaidamha .Rahvaz äjan iloitelihe , praznuiči tal’ven lähtendad – sen aig om jo lopnus !
Čoman Maidnedalin kul’minacijaks tegihe tradicionaližen ol’gesižen tätüižen poltand .Sur’kulu tal’ven simvol süttui hotkas – sen hoštai leskuz znamoiči keväden , lämän da udištamižen tulendad .Ühtes ol’gesižen tätüiženke lämoiš paloiba kaik gor’ad da ozatomuded – nece andoi sijad toivole parembaha tulijaha aigaha .Maidnedal’ mäni ani hüvin !
Vastkat! Keväz’ om tulnu!
Veps
New written Veps