Texts
Return to list | edit | delete | Create a new | history | Statistics | ? Help
Mirun homendez
Mirun homendez
Veps
New written Veps
Ozaižihe
!Se om tulnu .Nece ei ole sana , ei ole mramor , se om eläb , päl om gimnast’ork , kangaz om verdunu päiväižespäi da vihmoišpäi , se om pölüs voinmatkoišpäi , sen rindal oma čapatesiden znamad , se om kaikid čomemb i armhemb… Nece om meiden Vägestuz !
Kuluiba jäl’gmäižed poukahtused , i äjiden voziden jäl’ghe Evropaha tuli hillüz’ .Mamad voiba udes varaiduseta lastitada ičeze lapsid – enamba ei ole surmid .Änikoičeba änikod , pugesoiš jüväd , pöudod tegeškanzihe vihandoikš , niid ei pekskoi enamba tankad .Necil čomal homendesel kaik ristitud ihastuba vägestusehe …
Nel’l’ vot manradnikad , sauvojad , pöudtedomehed , kaivanikad da opendajad , mecančapajad da mehanikad , arhitektorad da üläopenikad , ristitud , kudambad navediba ičeze radod , vojuiba vihanikoid vaste .Meiden male tuli mirun kaikid vägekaz armii .Mö muštam sidä kezad , vihanikoiden tankoiden judud , manradnikoiden telegoiden kidžud , Smolenskan agjan teid , lapsiden vert , vahvad sanad : vägestam !Mö muštam 1942. voden kezad , heinän karktad magut , kibud da gor’ad , vahvad sanad : kaičem !
… Sovetskijad saldatad kaičiba kaikuččen kodiman mäguden , kaikuččen haudan , sikš ku oliba Leningradan ezilidnad , Sevastopol’an kived , Staliningradan traktorzavod , Kursk-lidnan bembel’ i partizanad , i neiččed "Molodaja gvardija "-sebraspäi , i zavodad , miččid letihe tühjal mal … Mö olem kaičenuded ei vaiše meiden Kodimad , mö olem kaičenuded rahvahiden kul’turad …Kaikile rahvahile linneb ičeze sija mal …
…Äi kerdoid mö kulim čomid sanoid : "Igän muštam gerojid , kudambad vojuiba meiden Kodiman valdas da ripmatomudes i koliba !"Saldatad oma kolmatomad , i kus oma heiden kaumad , Kavkazal vai läz Al’pad-mäged , kaikutte siričimänii kumardab pän heiden edes : heiden abul hän eläb nügüd’ .Mäneb äi vot , i lapsed pagižeškaba neniš opakoiš voziš , sures gor’as i suriš vahvoiš tegoiš , kuti ičeze juriš : ved’ ned , ked jäiba frontale , hö kaičiba ičeze vunukoid da pravunukoid .
…Teravas mužikad kaburdaba ičeze akoid , poigid , mamoid …Om jüged löuta sanoid mugoižes ozas .
Sinä vägestid , Kodima !
Mirun homendez
Veps
New written Veps