Error:
Permission denied
Texts
Return to list | edit | delete | Create a new | history | Statistics | ? Help
P'otr Sem'onov
P'otr Sem'onov
Livvi
New written Livvic
P'otr Mihailovič Sem'onov (11. heinykuudu
1934 — 17. kevätkuudu 2019) on Karjalan tazavallan kirjuttai , kiändäi , Karjalan tazavallan vuvven laureattu (2007).Kirjutti karjalan kielen livvin murdehel .
Eloskerdu
P'otr Sem'onov oli roinnuhes Nuožarven kylän lähäl , Rodinjärven kyläs karjalazes perehes .Suuren Ižänmuallizen voinan aigah P'otr muaman da sizären kel oli omas suomelazien valloitetus kyläs .Voinan jälles Sem'onov loppi Nuožarven seiččemenkluasan školan , myöhembi opastui Mončegorskan kaivosmetallurgien opistos .Sluuži armies .Vuvves 1956 algajen ruadoi Oniegan traktoruzavodal da yhtelaigua opastui Petroskoin valdivonyliopistos meččyinženieroin tiedokunnal .Vuvves 1964 algajen oli T'ažbummaš-laitoksen keskuslaboratourien johtajannu .Eli Petroskois .
Luomisruado
P'otr Sem'onovan enzimäzet runot ven'an kielel piästih ilmah vuvvennu 1956 Onežec-lehtes .Vuvvennu 1992 päivänvalgien nähtih hänen karjalankielizet tevokset .P'otr Sem'onovan kerdomustu suau lugie kerävökniigas "Omil pordahil " sego antolougies "Karjalan pagin ".
P'otr Sem'onov kiändi karjalakse Ven'an kirjuttajien tevoksii : Aleksandr Puškinan "Kapituanan tyttären " sego Aleksandr Ostrovskoin , Lev Tolstoin , Arkadii Averčenkon , Mihail Zoščenkon da toizien kirjuttajien tevoksii .
Sem'onovan kerdomuksii da kiännöksii alalleh on painettu Carelia-žurnualah , Oma Mua -lehteh , Taival-al'manuahah .
Vuvves 2006 kuului Ven'an kirjuttajien liiton Karjalan ozastoh .
Palkindot
Vuvvennu 2007 Sem'onov rodih Karjalan tazavallan vuvven laureatakse korgeitazozis karjalankielizis literatuurutevoksis sego suures ruavos kanzallizen kielen elvyttämizen da kehittämizen alal .
P'otr Sem'onov
Livvi
New written Livvic