VepKar :: Texts

Texts

Return to list | edit | delete | Create a new | history | Statistics | ? Help

Kanzoinväline naizien päivy

corpus: Journalistic texts

Source:
RUWIKI. Kul'tuuru da yhteiskundu. Pruazniekat da mustopäivät.

Kanzoinväline naizien päivy

Livvi
New written Livvic
Kanzoinväline naizien päivy (8. kevätkuudu, angl. International Women’s Day) on pruazniekkupäivy monis muailman mualois da valdivolois. Alguudah myöte tämä päivymiäry liityi naizien borčah da yhtistyndäh heijän oigevuksien da mahtoloin levendämizekse.
Kanzoinvälizen päivän piendän idei naizien samanarvožuksien kannattamizekse rodih XX vuozisuan vaihtajes. Naizien yhtistyndän alguhpanijannu oli Klara Cetkin — Germuanien sociualu-demokruattizen partien naizien joukon ielolii.
18. talvikuudu Yhtistynnyzien Kanzukundien Piäassamblei hyväksyi rezol’ucien A/RES/3010, kudaman mugah vuozi 1975 ilmoitettih Kanzoinvälizekse naizien vuvvekse. Vuvvennu 1977 Yhtistynnyzien Kanzukundien Piäassamblei hyväksyi rezol’ucien A/RES/32/142, kudaman mugah perustettih Kanzoinväline naizien oigevuksien da kanzoinvälizen rauhan päivy Yhtistynnyzih Kanzukundih kuulujien valdivoloin keskes.
Sinäpiän kanzoinvälizet yhtistykset muailman eri mualois pietäh vastustusakcieloi da miitingoi, kudamien tarkoituksennu on naizien oigevuksien da vällyzien puolistamine, perehvägivallan vastustamine, ei-perindöllizien sugupuolivälilöin ristikanzoin oigevuksien puolistamine monis mualois da valdivolois: Francies, Indies, Kirgiizies, Japounies, Germuanies, Yhtistynnyös Kuningaskunnas, Tailandas, Bel'gies, Itualies da toizis.
Sinäpiän Ven'al pietäh pruazniekkukonsertoi, Kogo Ven'an naizien merkittäväle roulile omistettuloi akcieloi. Perindön mugah 8. kevätkuudu miehet lahjoitetah naizile kukkii ozuttajen heijän tärgiedy roulii rahvaskunnan elokses.

Piendän histourii
Kanzoinvälizen naizien päivän roindan syylöinny oldih Amierikan Yhtysvaldoin naizien vastustukset ruavon jygielöin ololoin periä (Tyhjien kost’urkoin maršu, vuozi 1857, Kodiemändöin maršu, vuozi 1901). 16. tuhukuudu vuvvennu 1908 amierikkalaine Progressiivizien naizien liiton alguhpanii Mod Meloun luadi kuvondahizen tevolližuon ruadajien maršan N’ju Jorkas, prižmi naizien oigevuksien novvandua da ruadopalkoin nostandua.
27. elokuudu vuvvennu 1910 toizes ruadajien naizien Kanzoinvälizes socialistizes naizien konferensies Kopengagenas Germuanien sociualu-demokruattizen partien naizien joukon ielolii Klara Četkin kehoitti pidiä muailmas Ruadajien naizien soliduarižuon päivän heijän oigevuksien puolistamizekse. Händy kannatettih ezittäjät 17 muas.
Perindö pidiä tädä pruazniekkua 8. kevätkuudu (23. tuhukuudu vahnan stiilin mugah) rubei juurdumah kaikkiel, konzu vuvvennu 1914 Germuanien, Daanien, Niderlandoin, Šveicuarien, Ven'an, Amierikan Yhtysvaldoin da toizien mualoin naizet juuri sinäpiän piettih miitingoi.
Jälles 1917 vuottu pruazniekkua piettih enne kaikkie socialistizis mualois. Ezimerkikse, Kitain kommunistat piettih sidä vuvves 1922 algajen, а Ispuanien — vuvves 1936 algajen.
18. talvikuudu Yhtistynnyzyien Kanzukundien Piäassamblei hyväksyi rezol’ucien A/RES/3010, kudaman mugah vuozi 1975 sanottih Kanzoinvälizekse naizien vuvvekse, a aigua vuvves 1976 vuodessah 1985 — Kanzoinvälizekse naizien vuozikymmenendekse. Vuvvennu 1977 Yhtistynnyzien Kanzukundien Piäassamblei hyväksyi rezol’ucien A/RES/32/142, kudaman mugah pandih alguh Kanzoinväline naizien oigevuksien da kanzoinvälizen rauhan päivy Yhtistynnyzih Kanzukundih kuulujien valdivoloin keskes.
27. kylmykuudu vuvvennu 1978 Pariižas UNESCON Piäkonferensien 20. sessiel hyväksyttih rezol’ucii 20 C/13.2, kudaman mugah Kanzoinvälisty naizien päiviä kehoitettih pidiä 8. kevätkuudu.

Ven’al da Nevvostoliitos roindu
Ven'al Kanzoinväline naizien päivy liittyy Petrogruadan ruadajien naizien demonstracieh 23. tuhukuudu (8. kevätkuudu uvven stiilin mugah) vuvvennu 1917. Juuri sinäpiän Bol’ševiekkoin partien Keskuskomitietan kuhkutukses naizet prižmittih naizien samanarvožuksii, ezityttih nälgiä da voinua vastah. Nämmä tapahtumat oldih Tuhukuun vallankumovustu enne, kudai pani loppuh Romanovien suvun halličendan.
Toine kanzoinväline socialistine naizien konferensii piettih Kopengagenas 27. elokuudu Toizen internacionualan kaheksanden kongresan aigah.
Vuvvennu 1921 Toizen Kommunistizen naizien konferensien mugah piätettih pidiä Kanzoinvälisty naizien päiviä 8. kevätkuudu Petrogruadan naizien vuvvennu 1917 demonstruacieh ozanotandan mustokse.
Nevvostoliitos Kanzoinväline naizien päivy rodih Kogo Nevvostoliiton pruazniekakse, kudaman aigah kunnivoijah vägeviä Nevvostoliiton naistu — kommunistua, ruadajua da muamua. Nevvostoliiton Korgeviman Nevvoston Prezidiuman käskys 8. oraskuudu vuvvennu 1965 tämä päivy imoitettih huogavopäiväkse.
Nevvostoliiton hajuondan jälles 8. kevätkuudu Ven'al endizelleh on kanzallizennu pruazniekannu da huogavopäivänny Ven'an Federacien vuvven 2001 talvikuun 30. päivän Ruadokoudeksan mugah. Hil’l’akkazin tämä pruazniekku rodih kaikkien naizien, neidizien da tyttölöin hyvittelypruazniekakse perehes, ruavos da opastuslaitoksis.

Piendy muailmas
Sit aijas, konzu Yhtistynnyzien Kanzukundien Piäassamblei pani alguh Kanzoinvälizen naizien oigevuksien da kanzoinvälizen rauhan päivän Yhtistynnyzih Kanzukundih kuulujien valdivoloin keskes vuvvennu 1977, Yhtistynnyzis Kanzukunnis joga vuottu (vuvves 2000) pietäh pidoloi, kudamil on oma miärätty tiemu. Ezimerkikse, vuvvennu 2021 se oli "Naizet johtovirrois: Samanarvozen tulien aijan suavutandu COVID-19-aigah"; vuvvennu 2022 — "Sugupuolien samanarvožus tänäpäi pyzyvän ekolougizen huomenizen päivän hyväkse"; vuvvennu 2023 — "DigitALL: innovaciet da tehnolougiet sugupuolien samanravožuon hyväkse".
Nevvostoliiton hajuondan jälles perindö pidiä Kanzoinvälistu naizien päiviä jäi monih endizih Nevvostoliiton mualoih: Armienieh, Gruuzieh, Kazahstuanah, Kirgiizieh, Molduavieh, Azerbaidžuanah, Uzbekistuanah, Ukrainale, Abhuazieh da Valgoven’ale da toizih, kus tämä pruazniekku on huogavopäivänny, paiči Latviedu, Litvua da Estouniedu.
Kanzoinvälisty naizien päiviä pietäh Vjetnamas, Mongoulies, Kubal da toizis mualois. Kevätkuun 8. päivän pruazniekkua pietäh Kitaisgi — sinäpiän naizil on lyhendetty ruadopäivy.
Tadžikistuanan tazavallan piämiehen Enomali Rahmonan käskys tädä pruazniekkua pietäh vuvves 2009 algajen muamoloin, nuorižon nevvojien kunnivokse, sil on Muaman päivy -nimi.
Turkmienies Kanzoinvälisty naizien päiviä ei pietty vuodessah 2007 — naizien pruazniekku siirrettih kevätkuun 21. päiväkse (kevätpäiväntazavuspäiväkse), se on yhtistetty kanzallizen keviän pruazniekanke Navruz. Ga sen periä, ku muaman kunnivoičendu perehen tuvennu da kunnivonnu on turkmienielazen rahvahan iguzii perindölöi, pakkaskuul vuvvennu 2008 Turkmienien piämies luadi kohendukset Zakonoin koudeksah ruadoh nähte, sendäh uvvessah rodih perindö pidiä tädä pruazniekkua.
Gruuzies vuvves 1991 Kanzoinvälizen naizen päivän sijah ruvettih pidämäh Muaman päiviä — 3. kevätkuudu. Vuvvennu 2002 muan parluamentu uvvessah sai tämän pruazniekan. Gruuzies pietäh sit Kanzoinvälisty naizien päiviä dai Muaman päiviä.
Nevvostoliiton hajuondan jälles Kanzoinväline naizien päivy Latvies ei roinnuh huogavopäiväkse. Sulakuul vuvvennu 2007 Seimu luadi kohendukset zakonah "Pruazniekku-, musto- da tapahtumupäivih nähte", kudaman mugah Kanzoinväline naizien päivy rodih virrallizesti piettäväkse pruazniekakse.
Germuanies Kanzoinväline naizien päivy ei olluh valdivollizennu pruazniekannu vuodessah 2019, sen jälles se rodih huogavopäiväkse, ga vaiku Berlinas. Sinäpiän on tavannu pidiä demonstracieloi naizien kohtah vägivaldua, naizien oigevuksien rikkomistu vastah kogo muailmas.
Itualies kevätkuun 8. päivän pruazniekkua (Kanzoinvälisty ruadajien naizien päiviä) itualielazet pietäh kui naizien ruavon kunnivoičendupäiviä da heijän oigevuksien puolistandupäiviä. Sinäpiän pietäh protestan akcieloi, miitingoi, kudamat on omistettu naizien oigevuksile.
Kanzoinväline naizien päivy on valdivollizennu pruazniekannu toizis mualoisgi: Angolas, Zambies, Kambodžas, Keenies, Korein rahvahan demokruattizes tazavallas, Madagaskuaral, Mongoulies, Ugandas da Eritreis. Laosas tämä päivy on huogavopäivänny vaiku naizih nähte.
Yhtistynnyzien Kanzukundien kannatuksel muailmas pietäh vie toizii naizile omistettuloi pruazniekkoi: 6. tuhukuudu — Kanzoinvälisty tirpamattomuon päiviä satattajien naizien sugupuolielimien leikkavuksien kohtah, 11. tuhukuudu — Kanzoinvälisty naizien da tyttölöin päiviä tiijos, 15. ligakuudu — Kanzoinvälisty kyläläzien naizien päiviä, 23. kezäkuudu — Kanzoinvälisty leskilöin päiviä, 11. ligakuudu — Kanzoinvälisty tyttölöin päiviä, 25. kylmykuudu — Kanzoinvälisty vägivallan naizien kohtah lopendan päiviä.

Piendy Ven’al
Nevvostoliiton hajuondan jälles Kanzoinväline naizien päivy Ven'al jiäy valdivollizekse pruazniekakse da huogavopäiväkse. Perindön mugah sinäpiän miehet lahjoitetah naizile kukkii da toizii lahjoi, ozutetah heijän tärgiedy roulii rahvaskunnan elokses.
Ven’al 8. kevätkuudu pietäh naizien merkittäväle roulile omistettuloi konsertoi, Kogo Ven’an akcieloi. Ezimerkikse, Ven’an Federacien kaikis linnois pietäh Kogo Ven’an akciedu "Teile, armahat!" (ven. "Вам, Любимые!"). Omatahtozien liikkehien aktivistat hyvitelläh naizii pruazniekanke, lahjoitetah heile kukkii pihal, azemil, lendoazemil, liečetiedolaitoksis, rahvahan sociualuturvuandulaitoksis.
Kevätkuun 8. päiväkse Yhtenäine Ven’a -partien ezittäjät pandih rattahile Kogo Ven’an Armahile naizile -marafonan (ven. "Для милых женщин") da Sinun kevät -akcien (ven. "Твоя весна").
6.-8. kevätkuudu vuvvennu 2022 Ven’al piettih Kogo Ven’an perindöllisty Kul’tuuruhuogavopäivät -akciedu (ven. "Культурные выходные"), kudai omistettih kanzoinvälizele naizien päiväle. Erähis muzeilois suau kaččuo ozutteluloi ilmai, a 20 čirkas (Piiteris Vladivostokassah) pietäh ilmazii ezityksii lapsekkahih perehih nähte Ozakas muamo -akcien hantuzis (ven. "Счастливая мама").
Joga vuottu 8. kevätkuudu Ven’an Federacien piämies jagau valdivollizii palkindoloi Ven’an kuulužile naizile — eri ammatiloih kuulujile, kudamat on luajittu suuren panoksen talohuon erilazien aloin kehittämizeh.
Vuvvennu 2022 Ven’an Federacien piämiehen Vladimir Putinan alguhpanos Ven’al elavutettih kunnivonimi "Muamo-muanivomies", se rodih erähii korgevimii valdivollizii palkindoloi.

Kanzoinväline päivy Nevvostoliiton filatelies
Vuvvennu 1949 Nevvostoliitos piästettih ilmah erilline tälle valdivollizele pruazniekale omistettu poštumarkoin sarju.
Erillizet Kanzoinvälizele naizien päiväle omistetut markat Nevvostoliitos, piästettih ilmah eri vuozinnu (1947—1967).

Международный женский день

Russian
Междунаро́дный же́нский день (8 Ма́рта, англ. International Women’s Day) — праздничный день в большинстве стран и государств мира. Изначально эта дата связана с борьбой и единством женщин за расширение своих прав и возможностей.
Идея проведения международного дня в поддержку равноправия женщин возникла на рубеже ХХ века. Инициатором объединения женщин стала Клара Цеткин — лидер женской группы социал-демократической партии Германии.
18 декабря Генеральная Ассамблея ООН приняла резолюцию A/RES/3010, согласно которой 1975 год был объявлен Международным годом женщин. В 1977 году Генеральная Ассамблея ООН приняла резолюцию A/RES/32/142, согласно которой был учреждён Международный день борьбы за права женщин и международный мир среди государств-членов ООН.
В этот день международные организации в разных странах мира проводят акции протеста и митинги, направленные на защиту прав и свобод женщин, борьбу с домашним насилием и равноправием, отстаивают права лиц с нетрадиционной ориентацией в ряде стран и государств: Франции, Индии, Киргизии, Японии, Германии, Великобритании, Таиланде, Бельгии, Италии и др.
В России в этот день проводятся праздничные концерты, всероссийские акции, посвящённые значимой роли женщин. Традиционно 8 марта мужчины дарят женщинам цветы, подчёркивая их важную роль в жизни человечества.

История возникновения
Предпосылками возникновения Международного женского дня стал ряд протестов женщин США против тяжёлых условий труда (Марш пустых кастрюль, 1857 г., Марш домохозяек, 1901 г.). 16 февраля 1908 года основательница Союза прогрессивных женщин американка Мод Мэлоун организовала марш работниц текстильной промышленности в Нью-Йорке, требуя соблюдения прав женщин и повышения оплаты труда.
27 августа 1910 года на второй Международной социалистической женской конференции трудящихся женщин в Копенгагене лидер женской группы социал-демократической партии Германии Клара Цеткин предложила учредить в мире День солидарности трудящихся женщин в борьбе за свои права. Её предложение поддержали представители из 17 стран.
Традиция отмечать этот праздник 8 марта (23 февраля по старому стилю) стала укрепляться повсеместно после того, как в 1914 году женщины Германии, Дании, Нидерландов, Швейцарии, России, США и др. стран провели митинги именно в этот день.
После 1917 года праздник отмечался, главным образом, в социалистических странах. К примеру, китайские коммунисты праздновали его с 1922 года, а испанские — с 1936 года.
18 декабря Генеральная Ассамблея ООН приняла резолюцию A/RES/3010, согласно которой 1975 год был объявлен Международным годом женщин, а период с 1976 по 1985 гг. — международным десятилетием женщин. В 1977 году Генеральная Ассамблея ООН приняла резолюцию A/RES/32/142, согласно которой был учреждён Международный день борьбы за права женщин и международный мир среди государств-членов ООН.
27 ноября 1978 года в Париже в ходе 20-й сессии Генеральной конференции ЮНЕСКО была принята резолюция 20 C/13.2, согласно которой, Международный женский день было предложено отмечать 8 марта.

Возникновение в России и СССР
В России Международный женский день связан с демонстрациями петроградских работниц 23 февраля (8 марта по новому стилю) 1917 года. Именно в этот день женщины по призыву ЦК партии большевиков выступили с требованиями женского равноправия, против голода и войны. Эти события предшествовали Февральской революции, положившей конец династии Романовых.
Вторая Международная социалистическая женская конференция проходила в Копенгагене 27 августа в рамках Восьмого конгресса Второго интернационала.
В 1921 году по решению 2-й Коммунистической женской конференции было решено праздновать Международный женский день 8 марта в память об участии женщин в петроградской демонстрации 1917 года.
В СССР Международный женский день стал всесоюзным праздником, чествующим сильную советскую женщину — коммунистку, работницу и мать. Указом Президиума Верховного Совета СССР от 8 мая 1965 года эта дата была объявлена нерабочим днём.
После распада СССР 8 марта в России по-прежнему является национальным праздником и нерабочим днём согласно Трудовому кодексу РФ от 30 декабря 2001 года. Постепенно, этот праздник стал днём поздравлений всех женщин, девушек и девочек в кругу семьи, на работе и в учебных заведениях.

Празднование в мире
С момента учреждения Генеральной Ассамблеей ООН Международного дня борьбы за права женщин и международный мир среди государств-членов ООН в 1977 году, в Организации Объединённых Наций ежегодно (с 2000 года) проводятся мероприятия, обозначенные определённой темой. К примеру, в 2021 году — "Женщины на руководящих постах: Достижение равноправного будущего в эпоху COVID-19"; в 2022 году — "Гендерное равенство сегодня ради экологически устойчивого завтра"; в 2023 году — "DigitALL: инновации и технологии для гендерного равенства".
После распада СССР традиция отмечать 8 Марта осталась в ряде бывших союзных республик — в Армении, Грузии, Казахстане, Киргизии, Молдавии, Азербайджане, Узбекистане, Украине, Абхазии и Белоруссии и др., где этот день является нерабочим за исключением Латвии, Литвы и Эстонии.
Празднуют Международный женский день во Вьетнаме, в Монголии, на Кубе и в ряде других стран. 8 Марта отмечается и в Китае — у женщин в этот праздник укороченный рабочий день.
Указом Президента Республики Таджикистан Эмомали Рахмона этот праздник отмечается с 2009 года в честь женщин-матерей, наставниц молодёжи и называется —День матери.
В Туркмении Международный женский день не отмечался до 2007 года — женский праздник был перенесён на 21 марта (день весеннего равноденствия), соединён с Наврузом — национальным праздником весны. Однако, в связи с тем, что почитание матери как опоры и чести семьи — одна из исконных традиций туркменского народа, в январе 2008 года президент Туркмении внёс изменения в Кодекс законов о труде, поэтому традиция отмечать этот праздник вновь вернулась.
В Грузии с 1991 года празднование Международного женского дня в стране было заменено Днём матери — 3 марта. С 2002 года Парламент страны вновь вернул этот праздник. В итоге, в Грузии отмечают и Международный женский день и День матери.
После распада СССР Международный женский день в Латвии перестал быть выходным. В апреле 2007 года Сейм принял поправку к закону "О праздничных, памятных и отмечаемых днях", согласно которой Международный женский день стал официально отмечаемым праздником.
В Германии Международный женский день не являлся государственным праздником до 2019 года, далее — стал выходным, но только в Берлине. В этот день принято проводить мирные демонстрации против женского насилия, ущемления прав женщин во всем мире.
В Италии 8 Марта (Международный день трудящихся женщин) отмечается итальянцами как день почитания женского труда и их борьбы за свои права. Поэтому, в большинстве случаев, в эту дату проводятся акции протеста, митинги, посвящённые правам женщин.
Также Международный женский день является государственным праздником в ряде других стран: Анголе, Замбии, Камбодже, Кении, КНДР, Мадагаскаре, Монголии, Уганде и Эритрее. В Лаосе этот день является нерабочим только для женщин.
При поддержке ООН в мире отмечается ещё ряд праздников, связанных с женщинами: 6 февраля — Международный день нетерпимого отношения к калечащим операциям на женских половых органах, 11 февраля — Международный день женщин и девочек в науке, 15 октября — Международный день сельских женщин, 23 июня — Международный день вдов, 11 октября —Международный день девочек, 25 ноября — Международный день борьбы за ликвидацию насилия в отношении женщин.

Празднование в России
После распада Советского Союза день Международный женский день продолжает быть государственным праздником и выходным днём в России. Традиционно, в этот день мужчины дарят женщинам цветы и прочие подарки, подчёркивая их важную роль в жизни человечества.
В России 8 Марта проводятся праздничные концерты, всероссийские акции, посвящённые значимой роли женщин[6]. К примеру, во всех городах РФ проводится Всероссийская акция "Вам, Любимые!:". Активисты добровольческих движений поздравляют женщин с праздником, дарят им цветы на улицах, вокзалах, в аэропортах, в медицинских учреждениях, учреждениях социальной защиты населения.
К 8 Марта представители "Единой России" запустили Всероссийский марафон "Для милых женщин" и акцию "Твоя весна".
С 6 по 8 марта 2022 года в России традиционно прошла всероссийская акция "Культурные выходные", приуроченная в Международному женскому дню. Ряд музеев даёт возможность бесплатного посещения экспозиций, а в 20 цирках (от Санкт-Петербурга до Владивостока) проходят бесплатные представления для многодетных семей в рамках акции "Счастливая мама".
Ежегодно, Президент РФ вручает 8 Марта государственные награды выдающимся женщинам России — представительницам различных профессий, которые внесли существенный вклад в развитие различных отраслей экономики.
В 2022 году по инициативе Президента РФ Владимира Путина, в России было возрождено почётное звание "Мать-героиня", ставшее одной из высших государственных наград.

Международный женский день в филателии СССР
В 1949 году в СССР была выпущена специальная серия почтовых марок, посвящённых этому государственному празднику.
Отдельные марки в СССР, посвящённые Международному женскому дню, выпускались в разные годы (1947—1967 гг.).
The site was created by the staff of the Karelian Research Center of the Russian Academy of Sciences
You can freely use the materials of our site and share them, most importantly - indicate authorship and a link to our resource.
More about the CC BY 4.0 license
© VepKar. Open corpus of Veps and Karelian languages