Texts
Return to list | edit | delete | Create a new | history | Statistics | ? Help
”Muu/Oma”: frantsien prouzua kiännettih karjalakse
”Muu/Oma”: frantsien prouzua kiännettih karjalakse
Livvi
New written Livvic
Karjalan
Kanzallizes kirjastos jo sentämän aijan kehittyy projektu "Muu /Oma ", kuduan hantuzis rahvastu tuttavutetah erilazien kirjuttajien tuotandoh .Éric-Emmanuel Schmitt on eräs lugiettavimis fransien kirjuttajis , hänen tevoksii on kiännetty 46 kielele , nygöi sih luvettelus ližävökse on karjalan kieli .Tämän projektan keksimmö yhtes kirjaston ruadajan Natalja Mihailovan kel .Minun kursiloile rahvas kävväh äijän vuottu , hyö hyvin nygöi maltetah kieldy .Sendäh himoitti kehoittua heile mittustutahto uuttu kieliruaduo .Projektas yhtes luvemmo , pagizemmo lugietus , opimmo kiiändiägi karjalakse , sanoi Tatjana Baranova , karjalan kielen opastai .Kiännettäväkse otetah lyhyzii tekstoi libo pienembii palazii suurembis kirjutuksis .Livvin karjalakse on kiännetty kitain suarnua , Aleksandr Puškinan , Ray Bradburyn , Mary Mapes Dodgen , James Herriotan tevoksien katkelmuksii .Projektan vuoronmugaine vastavus oli omistettu fransien tundietule kirjuttajale Éric-Emmanuel Schmittale .
Täl kerdua vastavuksel oldih net , ket opastutah Tatjana Baranovan piettävil karjalan kielen kursiloil jo lähes 10 vuottu .Rahvas tuttavuttih kirjuttajan elaigah da tevoksih , saneltih omii mielii hänen kirjutuksis da šeikuittih fransienkielizien tevoksien kiännöksii karjalan kielen livvin murdehele .Kursilazet kiännettih livvikse Schmittan kerdomustu "Naine bukietan kel ".
”Muu/Oma”: frantsien prouzua kiännettih karjalakse
Livvi
New written Livvic