Texts
Return to list | edit | delete | Create a new | history | Statistics | ? Help
Tikkanen, Ulyana. Kirikkömatku vetty myöte
Tikkanen, Ulyana
Kirikkömatku vetty myöte
Livvi
New written Livvic
Ličnii-suari on
merkittävy sil , ku sie seizou Karjalan kaikis vahnin kirikkö .Pedrin da Puavilan kirikkö on nostettu vuvvennu 1620 da kuuluu Karjalan tazavallan puuhizien mustomerkilöin luvetteluh .Se on vahnanaigazen arhitektuuran ezimerki .Šat´or-nimelline levo – "kaksi kaheksandestu nelländeksel " – on ylembä malittu - da kerähmöpertii kaksisiibizen levon al .Sih samazeh joukkoh kuuluigi Kondupohjan Jumaldoman Uspen´n´an kirikkö , kudai paloi .
Pedrin da Puavilan kirikköh puutut suvespäi suurii da lujii pordahii myöte , kudamilpäi avavuu kaunis unohtumatoi nägöala suaren suvipuoleh da Sandal-järven valduvezile .Da eihäi petties kirikkö nostettih suaren korgevimale kohtale , se vai ližiäy kiriköle suuruttu .
Kirikkö on avvoi ymbäri vuvven , sydämes on hil´l´ažus da silmien ies mielikuvinnu pyöritäh muanruadajien karjalazien huahmot , rahvas enämbän nelliäsadua vuottu viettih tänne vetty libo jiädy myöte omii malittuloi , syväinkibuloi , tuskii da kiitossanoi .Nämmih tundoloih himoittau yhtyö .
Suarel uppuot mielihyväh , kuduan andau sadoi vuozii malittuloi kuundelii kirikkö .Irral ihastuttau puuseppien nero da malto .Moizet ollah kaunehet da näbiet ikkunpielizet , paččahazet , tuulilavvat – tovellizet puuhizet taidotevokset .
Toven suarnalline kohtu , kunne himoittau tulla äijän kerdua .Jälles tädä enzimästy matkua lykysti puuttuo suarele vie kerran kezäl , konzu olimmo Mašan kel venehmatkas .Tänävuon myö olimmo sie Rastavan aigah .
Kirikkömatku vetty myöte
Livvi
New written Livvic