VepKar :: Texts

Texts

Return to list | edit | delete | Create a new | history | Statistics | ? Help

Posdn'akova Ol’ga . Moine oza oli lepitty: ozatoi mučoi, jällespäi – leski

corpus: Journalistic texts

Source:
Oma mua, № 11 (1751), 2025, p. 6

Posdn'akova Ol’ga

Moine oza oli lepitty: ozatoi mučoi, jällespäi – leski

Livvi
New written Livvic
Tahton sanelta minun buaban Akulina Vasiljevna Mošnikovan (Varfolomejevan) ozas. Buabo rodivui 26. kezäkuudu 1898 Suojärven piirin Soudjärven kyläh rikkahan ižändän Vasilii Vasiljevič Varfolomejevan da hänen mučoin Anna Vasiljevnan pereheh. Perehes oli äijy lastu, ga sizär buabal oli vaiku yksi, dostalit – nuorembat vellet. Vuvvennu 1920 buabo meni miehele Selgy-lähikylän miehele Nikolai Bojarovale (Porajärven
školas säilyi hänen svuad’bupaidu). Vuvvennu 1926 heile rodivui Ol’ga-tytär. Vaiku ei olluh lepitty oza eliä kodvua yhtes. Silloi monet rajakylis eläjät miehet käydih ruadamah Suomeh.
Lähti Nikolaigi. Ga ei kiändynyh. Buabo tuskihes-tuskihes, ga vuvvennu 1931 meni miehele kolhouzas ruadajale paimoile Nikolai Mošnikovale. Vuvvennu 1932 rodivui minun Mihail-tuatto, jällespäi – Maša-tytär. Vuvvennu 1937 heil rodivui vie yksi lapsi, ga häi eli vaiku kuun aigua. Lapsi kuoli sen jälles, konzu kenlienne sanoi ukkuo vihaniekakse da händy ammuttih Krasnii bor -kohtas Petroskoin lähäl. Buabo tiijusti sih nähte vaiku vuozien peräs, konzu händy reabilitiiruittih. Enne sidä händy piettih rahvahan vihaniekan mučoinnu.
Syvyskuus 1941 kaikkii kyläläzii
ruvettih työndämäh evakkoh Siberih. Evakkolazii baržoil vuotettih Lambasojan kyläs. Sinne, niken ei tiijä kui, tuli Suomespäi Nikolai Bojarov. Häi tahtoi ottua mučoin keräle Suomeh, ga buabo ei lähtenyh, toinah muamo da sizär ei kannatettu. Siberis, kui toizetgi naizet, buabo eli lapsienke paikallizen emändän luo da ruadoi kolhouzas.
Vuvvennu 1944 Akulina-buabo muaman da lapsienke tuli järilleh omah kyläh. Klava-sizär jäi Siberih, tuatto Vasilii Vasiljevič kuoli kodimatkal, hänet pandih muah Valdail. Vellet sil aigua oldih frontal. Terväh kyläh tuldih suomelazet. Hyö käskiettih ottua tärgevimät vešit da buabo yhtes poij anke Himol’arvie myöte viettih Suomeh Mikkelin linnan lähäl olij ale huutorale (tuatto sanoi, ku sen huutoran nimi oli Ahvenlampi).
Suomelazet ižändät oldih hyväzilleh heijänke. Huutoran ižändy oli račastusčempion, taloin seinil oli äijy fotokuvua, kudamis račastai oli hevon selläs (sanakse, vuvvennu 2001 minä iče olin ipodromal Mikkelin linnas). Buabo hoidi lehmii, a minun tuatto paimendi heboloi. Vuvvennu 1945, konzu voinu loppih, hyö kiännyttih Ven’ale, vaiku enzimäi heidy työttih Pskovah. Omah kyläh jo ei piästy, se oli poltettu tuhkakse. Tuldih omah kyläh vaiku puolen vuvven peräs, elettih muakuopis. Miehii kogo kyläs oli nelli hengie. Erähät suadih surman voinal, toizet vie enne voinua oldih viärättäh ammuttu. Jiädih vaiku tuatan igähizet brihat, vuvvennu 1932 rodivunnuot.
Hil’l’akkazin ruvettih nostamah kodiloi. Kylä oli nostettu vaiku 1950-vuozien allus. Rakendettih kluubu, škola, kantor, poštu, ambulatourii. Naizet ruattih kolhouzas, lapset ruattih kodiruadoloi, kalastettih, paimendettih žiivattoi. Vuvvennu 1970 kyläh tuli kirjaine, kudai ei kerras piässyh buaban käzih, ezmäi se puutui hänen vellen akale, ku karanvertale oli kirjutettu: Varfolomejevoi A. V., (vellen akan nimi oli Anna Vasiljevna).
Konzu buabale lugiettih kirjaine (iče häi ei maltanuh lugie, dai pagizi vaiku karjalakse), häi otti ligahizet astiet da lähti jogirandah, häi pezi astieloi, itki da pajatti vahnua karjalastu pajuo "Kazvatti…".
Kirjazen työndi Ruočispäi hänen enzimäine ukko Nikolai Bojarov. Häi kyzyi tervehyös, lapsis. Kyzyi, voigo häi tulla Leningruadah vastavumah. Häi työndi kuvangi, kus häi, herrumies, istuu kukkien keskes omannu 70-vuozipäivänny. Kirjutti, ku hänel Ruočis on kaksi poigua. Buabo kyzyi minuu vastata hänele, häi sanoi, a minä kirjutin. Jällespäi Ruočispäi tuli vie se-tämä kirjaine, ga buabo
ei tahtonuh vastata, sildy ku enzimäine ukko tahtoi vastavuo. Monen vuvven peräs minä erähän ruoččilazen tuttavan hyvyöstiij ustin, kenenny oli Ruočis Nikolai Bojarov, ga sih aigah jo ei olluh hengis nigo händy, nigo hänen poigii. Buabohäi oli elänyh vie 20 vuottu da kuoli 90 vuvven täytettyy.

Рассказ о бабушке

Russian
Хочу рассказать о судьбе бабушки Мошниковой (Варфоломеевой ) Акулины Васильевны. Родилась она 26.06.1898 года в деревне Совдозеро Суоярвского района в семье зажиточного по тем меркам мужика Василия Васильевича Варфоломеева и его супруги Анны Васильевны. В семье было много детей, но сестра у нее была одна, остальные - младшие братья. В 1920 году вышла замуж за Николая Боярова из соседней деревни Семчегора ( в музее Поросозерской средней школы сохранилась ее свадебная блузка). В 1926 году в семье родилась дочь Ольга. Недолго прожили молодые. В те годы многие мужчины из пограничных деревень ходили на заработки в Финляндию.
Ушел и Николай. И не вернулся. Пропал. Бабушка погоревала-погоревала и в 1931 году вышла замуж за деревенского парня, колхозного пастуха Николая Мошникова. В 1932 году родился мой отец Михаил, потом дочка Маша.
Был у них с мужем еще один ребенок, родившийся в 1937 году, но прожил всего лишь месяц. Умер после того, как забрали по доносу второго мужа и расстреляли в Красном бору под Петрозаводском. Бабушка об этом узнала спустя годы, когда его уже реабилитировали. А так всего годы жила как жена врага народа.
В сентябре 1941 года всех деревенских начали эвакуировать в Сибирь. Эвакуацию баржами ждали в д. Ламбасручей. Вот туда, неизвестно каким образом, и приехал из Финляндии Николай Бояров. Хотел забрать жену с собой в Финляндию, но бабушка так и не ушла с ним, возможно, мать и сестра отговорили. В Сибири,как и все наши женщины, жила с детьми у местной хозяйки и работала в колхозе.
Вернулась в 1944 году баба Акулина вернулась с матерью и детьми в родную деревню. Сестра Клава осталась в Сибири, а отец Василий Васильевич умер по дороге домой, похоронен на Валдае. Братья в это время были на фронте. Скоро в деревню пришли финны. Велели взять все необходимое и вместе с сыном по Гимольскому озеру вывезли на лодке в Финляндию на хутор близ города Миккели. ( папа говорил, что название хутора было Ахвенламби).
Хозяева относились к ним неплохо. Хозяин хутора был чемпионом Финляндии по конным скачкам(к слову, я была в 2001 году на ипподроме в г. Миккели). Все стены были увешены его фотографиями на лошадях. Бабушка ухаживала за коровами, а папа пас лошадей. В 1945 году , после окончания войны вернулись в Россию, только их сначала отправили в Псков. В родную деревню они не попали, потому , что ее сожгли ее дотла. Вернулись спустя полгода, жили в землянках. Из мужчин после войны в деревне было лишь четыре человека. Кто погиб, а кого еще раньше репрессировали. Были лишь парни одного с папой года рождения -1932.
Потихоньку начали строиться. Деревня отстроилась лишь к началу 50-х. Построили клуб , школу ,контору, почту,амбулаторию. Женщины работали в колхозе, а дети управлялись по дому, рыбачили, пасли скот.
В 1970 году в деревню пришло письмо, которое не сразу попало к бабушке , а сначала к жене ее брата, поскольку на конверте было написано Варфоломеевой А.В. ( жену брата звали Анна Васильевна).
Когда бабушке прочитали письмо, а она грамоты не знала, разговаривала только по-карельски, она взяла таз с посудой ,пошла на речку , мыла на мостках посуду, плакала и пела старинную карельскую песню Kazvatti.
Письмо было от Николая Боярова из Швеции. Он интересовался ее здоровьем, детьми. Спрашивал, сможет ли бабушка приехать в Ленинград, чтобы встретиться. Прислал фотографию, на которой важный господин в окружении цветов сидит в день своего 70-летия. Сообщал, что у него в Швеции двое сыновей. Бабушка грамоты не знала, поэтому попросила ответить меня. Я писала под ее диктовку. Потом из Швеции приходило еще несколько писем, но бабушка не хотела отвечать, поскольку он настаивал на встрече.
Спустя много лет, благодаря одному знакомому шведу , я узнала, кем же стал Николай Бояров в Швеции, но только не было уже в живых ни его, ни сыновей.
А бабушка прожила до 90 лет и умерла вскоре после своего юбилея.
The site was created by the staff of the Karelian Research Center of the Russian Academy of Sciences
You can freely use the materials of our site and share them, most importantly - indicate authorship and a link to our resource.
More about the CC BY 4.0 license
© VepKar. Open corpus of Veps and Karelian languages