Texts

Piiterin fourumu: Karjal da Uzbekistan jatketah yhtehisty ruaduo

June 23, 2025 in 19:39 Александра Родионова

created the text
created the text: Vuvven 2025 aloh Karjalan da Uzbekistanan ulgopuolizen torrun suurus kazvoi 20 protsental. Sih nähte ilmoitti Karjalan piämies Artur Parfenčikov Uzbekistanan premjer-ministran sijahizen Žamšid Hodžajevan kel ruadovastavuksel. Piiterin kanzoinvälizen ekonoumizen fouruman puittehis oli paginua Karjalan da Uzbekistanan iellizes yhtehizes ruavos. Vuvven 2025 aloh Karjalan da Uzbekistanan ulgopuolizen torrun suurus kazvoi 20 protsental vuodeh 2024 verraten. Karjal työndäy Uzbekistanah bumuagua, kartonua, tsel’l’ulozua, puudu da puuhizii vehkehii, sežo valmehii vehny- da jauhoproduktoi. — Uzbekistan Karjalah nähte on eräs tärgevimii Rippumattomien valdivoloin yhtymäh kuulujii partn’ouroi. Meil pluanois ollah uvvet yhtehizet ruavot, muga rubiemmo työndämäh Taškentan aeroportah da Uzbekistanan talovuslaitoksih Karjalas luajittuloi tulipaloroubottoi. Huavuammo luadie yhtehisty ruaduo muatalovusalal, toinah luajimmo yhtehizen siemenkartohkan laitoksen, sanoi Artur Parfenčikov. — Meijän mieldy kiinittäy yhtehine ruado Karjalan kel. Myö tahtozimmo suurendua sähkötehniekän, eineh- da muatalovusalan tavaroin, kuvondahizen, rakendusmaterjualoin torguu, sanoi Uzbekistanan premjer-ministran sijahine Žamšid Hodžajev.
created the text translation