Texts
Return to list | edit | delete | Create a new | history | Statistics | ? Help
Natalja Anhimova. “Muzejiden ö – 2025” Šoutjärves
Natalja Anhimova
“Muzejiden ö – 2025” Šoutjärves
Veps
New written Veps
Joga
voden miide muzei ühtneb "Muzejiden ö " -akcijaha .Semendkus , konz praznuitaze Muzejan praznikad , miide muzei aveidab ičeze verajan ehtkeižel , i se om möhassai .Kaikuččel vodel mö voumičem uuden programman .Mel’he om se , mise miil oma abunikad , kut vanhad , muga i nored .
Kaikuččen kerdan mö tegem praznikan pätničan , toižiš muzejiš se mäneb sobatan .Küzut : "Mikš muga "?Sanun : "Niken sobatan muzejaha ii tule .I tämbei külänikiile sobat om kodipäiv : puhtastaze pertin , lämbitaze kil’betin , kävutaze kil’betihe da , kut sanutaze , ii vaise pestaze , a vel hengen puhtastaze , mel’t kebnenzoitaze .Sikš , mise rahvaz tuliži , mö tegem praznikan pätničan ".
Necil vodel 16. semendkud sä oli hivä , vereil oli päiveine .Konz muzejaha ezmeižin tul’d’he lapsed , oli čoma mel’ – hö void’he kacta muzejad , väta aitanno , meletada da ecta muzejadme vastusid küzundoihe i otta lahjaižen .A ken tahtoi , voi mända toižele žirule i ühtes käzimastarinke L’ubov’ Gerčinanke kudoda vön .A toižes zalas voi tedištada enamba suomalaiž-ugrilaižide pol’he – mugoižen vastusen voumiči Šoutjarven školan opendai Sem’on Jefremov .
Necil ehtkeižel muzejaha tulob äi rahvast , läz 200 mest .Hö käveltaze pertid möto , kactaze kaluid .Mise kaik vanhad kalud kaita , miile abutaze Irina Kulagina , Jekaterina Ziil’ , Ol’ga Jegorova , Jekaterina Mironova , Jevgenija Kokorina .Kaikile suur’ spasib abus .
Möhemba kacmaha muzejad tul’d’he vanhembad-ki , a ken-se tuli kundelmaha paginan "Vepsiidenno armastusenke ".Oli tarbhaine aig sikš , mise ristitud ol’d’he paginas .Däl’gmeižel vilukun päival mina olin Petroskoiš i lugin lekcijan mugoižele temale lidnalaižile – oli äi rahvast , tuli melentartuine vastuz .I siid kevädel mina otin päha , mikš ii tehta mugošt paginad küläs – muga tegin-ki .Tem oli se-žo , vaise vastuz mäni toižeks , siid ol’d’he vepsad da ken vepsiideke eläb äi vott ühtes .Pagin oli siš , mitte taba om vepsiil , mida da kut hö tehtaze erazvuiččes azjas , kut voib el’geta , mida varastada vastusele .Nece aig mäni čomin , vastuz tuli mel’he kaikile .
Praznikan päivlopus oli suur’ lahj Karjalan rahvahaližes teatraspäi – teatrozuteluz "Vepsänka ".Teatrozutelusen heng Aleksandra Aniskina vändi surel tanhal .Nece oli lujas melentartuine vänd .Starin Anna Lisicinan polhe , voib sanuda , mäni hänen kodimal .Kaikutte sana mäni südäimihe , ol’d’he minutad ihastusenke i voikunke .Ozutelusen kactihe 60 mest .Lopotat’he käzil , sanutihe lämid saniid , lahjoitihe änikoid .Kaikile teatrozuteluz lujas tuli mel’he .Muzejan praznik oli suur’en ihastuz kaikile .
“Muzejiden ö – 2025” Šoutjärves
Veps
New written Veps