Error:
Недостаточно прав на выполнение этой операции
Texts
Return to list | edit | delete | Create a new | Statistics | ? Help
Nadežda Mičurova. Anuksen hora oli ezittymäs Kitais
Nadežda Mičurova
Anuksen hora oli ezittymäs Kitais
Livvi
New written Livvic
Anuksen
rahvahan hora tuandoi tuli järilleh kodih Kitaispäi , kus 8.–15. syvyskuudu meni Kuldaine lagevo-2025 rahvahienväline festivuali .
Kitain kanzantazavallan Baidaihe piirin Tsin’huandao-linnah kerdyi enämbi kahtu tuhattu pajo -, tansi - da muuzikkujoukkuo Ven’an eri alovehil da Kitaispäi .
Moizen suuren eri kanzoin pruazniekan sai järjestiä Biser Kirovan nimizen Altin maidan -internatsionualizen projektan hantuzis .Festivuali rodih suurekse kul’tuurupivokse , kudai yhtisti Ven’an da Kitain luomisruavon joukkoloi .Enzikerdua Kitain histouries yhtel laval ezityi 70 ven’alastu kollektiivua , kudamien keskes oli Anuksen rahvahan horagi .
– Olemmo hyväs mieles , gu puutuimmo täh festivualih . Se oli mahtavu da čoma pido .Nägyy , gu festivualin järjestäjät ruattih suuren ruavon i enzikse Gamira Gabdullovna Gadel’šina .Häi on moločču , gu järjesti festivualin ottajen huomivoh kai struktuurat .Festivualin programmu oli ylen bohattu .Sih kuuluttih kilbuezitykset , ekskursiet , master-kluasat , jarmankat , illačut , etnodefile .Rahvas pajatettih , soitettih , tansittih .Meil pidi äijän harjoitella da varustuo .Ihastuimmo , konzu tulimmo laureatoikse da vie eri nominatsielois , sanou Anuksen Karjalan koivu -horan johtai Larisa Fofanova .
St’oklusillal
Kuldaine lagevo – 2025 -festivualin avajazis oli pietty etnodefile , kus eri taidehjoukkoloin edustajat čomis kanzallizis ruutis astuttih pitkiä st’oklahistu sildua myöte ozuttajen oman rahvahan kul’tuuran ainavoluadužuttu .Anuksen rahvahan horaspäi etnodefileh yhtyttih pajattajat Inna Karpova da Tatjana Sl’unkova .Pruazniekkukullun ozanottajii da kaččojii ihastutettih Anuksen karjalazien ruutat da enimyölleh tuohičomendukset .
Pajot kuuluttih uudeh luaduh Kilbuprogrammah niškoi anukselazet pajattajat varustettih kaksi pajuo : Iivan L’ovkinan "Astui Nastoi ", kudamas hora sai enzimäzen laureatan diploman Pajon da tansin ansambli-nominatsies da Vladimir Brendojevan sanoih kirjutetun "Rakkahat rannat ".Sen pajon ehoitti horale ezitettäväkse muuzikantutkii Irina Semakova .Astui Nastoi -pajoh Karjalan koivu -horan johtai Larisa Fofanova pujoitti anukselazen kadrielin ozat , a toizeh ližäi viheldyspillin da hälysoittimien iänii .Rakkahat rannat -pajo vallittih galakonsertah niškoi nelläskymmenes yhtes pajos .
Karjalastu kruugua Kitais
Festivualih niškoi eri kanzoin taidehjoukot varustettih omat etnoillačut .Joga kollektiival oli oma ezityskohtu , kus hyö ozutettih omii perindöllizii pajoloi , tansiloi , muuzikkua da käzineroniekoin ruaduo .Anuksen rahvahan horale oli annettu Tsin’huandao-linnan erähän yliopiston pihaplošadku .Sie Anuksen horan pajattajat otettih kitailazii yliopastujii karjalazeh kruugah .
– Myö tulimmo , yliopiston pordahil istutah nuoret yliopastujat , enimyölleh kitaitsat . I hyö pošti kaikin tuldih tansimah meijänke kruugua .Se ylen äijäl miellytti heidy , a minä vie sanoin , gu pidäy tervehtie toine tostu karjalakse .Arabialazet , kitaitsat da ven’alazet kaikin astuttih da tervehtittih toine tostu .Sit myö tansimmo yhtes "Talonpojan tansin ", karjalas-suomelazen polkan da lopukse "Jenkangi ".Tiettäväine , myö väzyimmö , gu ainos pidi sellittiä , kui da midä pidäy ruadua , kyzyimmö abuu kiändäjäl .Se oli uuzi kogemus meih niškoi .Minä olen ylen ylbei , gu meil puutui tansie karjalastu kruugua Kitais , sanou Larisa Fofanova .
Hyvän ruavon hyvä tulos
Kuldaine lagevo 2025 -festivuali huškahtih terväh .Anuksen rahvahan hora toi kodih kuuzi enzimäzen palkindon diplomua da tävven takan hyviä mieldy .Hyvä da korgei suavutus !Nygöi horan histourii rodih vie yhtel konsertumatkal bohatembi .Hyvittelemmö pajattajii da toivotammo heile uuttu suavutustu !
Anuksen hora oli ezittymäs Kitais
Livvi
New written Livvic