VepKar :: Texts

Texts

Return to list | edit | delete | Create a new | history | Statistics | ? Help

Alina Gapejeva. Löydiä oma dorogu taijos

Alina Gapejeva

Löydiä oma dorogu taijos

Livvi
New written Livvic
Fanierupalas Natalja Ulina maltau luadie tovellizii taidotevoksii: pöntölöi, jumalanlehmäzii, kukkupadazii da toizii luajilmuksii, kudamat čomendetah kodii da pihua. Setämä vuozi tagaperin inehmizen himoruavos on roinnuh ammatti. Natalja Ulina vie lapsennu
hyvin piirusti.
Monivuodizes himoruavos sit rodih jogapäiväine ruado, kudai rubei tuomah hyviä mieldy. Erähäl aigua Natalja piätti luadie piirustuksii akriilumualoil piädykauti sih niškoi valmistetule puule. Algavui kai astieloiseinehien leikondulaudazis. Omin käzin luajittuloi leikondulaudazii Natalja lahjoitti ystävile pruazniekoikse da roindupäivikse da ei ni duumainnuh niilöi myvvä.
Enzimäine lettu ei roinnuh kiäkykse. Mustan, ku vuvvennu 2003 perehes ei täydynyh dengua. Myö ukonke jäimmö ruavottah, sendäh rubeimmogi myömäh omii luajilmuksii. Myö 8-vuodizen tyttärenke pakkazel seizoimmo äijän čuassuu, kuni eräs mies osti meijän ei ylen čomat luajilmukset. Jällespäi jo olen ovvostannuh, ku häi žiälöičči meidy, sendäh ostigi kai. Minun mieles meijän enzimäzet luajilmukset ei oldu nerokkahasti luajittu. Nerot da maltot tuldih myöhembä. Silloi myöndäs suavut pienet dengat pandih kehittämäh omua ruaduo da neruo, mustelou Natalja Ulina.
Nygöi midä vai ei malta luadie muasteri. Hänen ruadopajas fanieras rodivutah ven’alazet matr’oškat, gribazet, čomat reboihuot, erivärizet liipoilinduzet. Joga luajilmus on erinomaine. Nämmii kaunehii luajilmuksii ruvettih lahjakse ostamah rahvas.
Konzu ellendät, ku sinun ruado tuou hyödyy, se ylen äijäl innostuttau, se on paras palkindo. Rahvahan hyvä mieli da diivu pannah kehittämäh omua ruaduo, sanelou neroniekku.
Ukko ainos kannattau da auttau Nataljua. Jygevimät ruavot häi ottau iččeh hardieloile: piluau huavateksii. Sit ruadoh ottavuu Natalja. Häi valmistau pohjan mualavuksih niškoi, sit mualuau da luakiččou kai. Čopakon ruavon jälles roijah hyväluaduzet čomendukset kodih, pihah, lapsien kižalagevoloih niškoi.
Natalja Ulina rodih yrittäjäkse da ilmai valdivon tugie avai Sovuška-laukkazen. Vai on sie čomua veššii, jogahizen tahtot ottua kädeh da tarkembazeh kaččuo. Kyläs eläjes vaigei on löydiä ruado, a ku se olis vie mieldy myöte, se on vie jygiembi ruadua. Ga toiči, ku tavallizes ruavos rodies mieliruado, pidäy maltua ozuttua alguhpanokygy da andua valdu mielikuvituksele.

Gapeeva, Alina

Найти свою дорогу в искусстве

Russian
Из фанерного листа Наталья Улина мастерит замечательные вещицы: скворечники, полочки, кашпо для цветов и другие поделки, которые украшают дома и садовые участки. Несколько лет назад ее любимое увлечение из разряда хобби переросло в профессию.
Творческие способности к рисованию у Натальи проявлялись с самого детства. Многолетнее увлечение перешло в повседневное занятие, приносящее девушке удовольствие.
А однажды Наташа решила поэкспериментировать: нанести рисунки акриловыми красками на предварительно подготовленную деревянную основу. Началось все с кухонной утваридосок для шинковки продуктов. Сделанные собственноручно разделочные доски, Наташа дарила друзьям по любому поводу и никогда не думала их продавать.
Первый блин не был комом. В 2003 году мы с мужем остались без работы, поэтому торговать самодельными изделиями нас заставила нужда. Я с восьмилетней дочкой несколько часов простояла на морозе, прежде чем один мужчина купил весь наш неприглядный товар. Как я догадалась позже, сделал это он из жалости. На мой взгляд, первым работам не хватило мастерства. Знание и опыт пришли немного позже. А для нас на тот момент, вырученные от продажи небольшие деньги, послужили стимулом новых творческих планов,
вспоминает Наталья.

Это сейчас творческий полет ее фантазии не знает границ. В ее домашней мастерской рождаются фанерные русские матрешки, грибочки, очаровательные лисички, разноцветные бабочки. У каждого персонажа есть своя особая "изюминка" или характер. Веселые поделки стали пользоваться спросом. Их приобретали в подарок и по случаю.
Когда понимаешь, что твоя работа приносит пользу, это вдохновляет, это самая лучшая награда. Эмоции, радость, удивление людей вдохновляют меня, рождают новые творческие планы,
говорит мастерица.

Муж всегда готов ей помочь и поддержать. Самую трудоемкую работу он берет на себя: выпиливает лобзиком контуры изделий. А дальше за работу берется Наташа. Она зачищает шаблон будущей поделки наждачной бумагой, разрисовывает его красками и покрывает лаком. После кропотливого процесса получаются декоративные предметы для дома, садового участка, детской площадки...
Наталья Улина стала индивидуальным предпринимателем и открыла ларечек "Совушка" без поддержки государства. Сколько там много красивых вещей, хочется все потрогать и рассмотреть. В сельской глубинке сложно найти работу, а чтобы она была еще и по душееще труднее. Нередко для того, чтобы обычная работа стала любимым занятием стоит проявить инициативу и фантазию.