Texts
Return to list | edit | delete | Create a new | history | Statistics | ? Help
Kirveshuttu
Kirveshuttu
Livvi
New written Livvic
Ven’an
rahvahan suarnu
Vahnu saldattu astui kodih käymäh .Väzyi matkas da nälgävyi .Tuli erähäh kyläh , koputti laidimazeh taloih .
– Laskekkua matkuristikanzua huogavumah !
Uksen avai vahnu akku .
– Astu pertih , saldattu !
– Eigo olis sinul , emändäine , midätah syödäviä ?
Akal kaikkie olis , ga skuuputtu ei ruvennuh saldattua syöttämäh , orboikse heityi .
– Avoi-voi , hyvä ristikanzu , vie ni iče tänäpäi en syönnyh . Ei ole nimidä .
– Nu , eule ga et mil auta , saldattu sanou .
A iče jo primietti laučan al kirvehen .
– Ku nimidä muudu ei olle , sit voibi keittiä huttuu kirvehesgi .
Emändy kai käzii plakkai :
– Kuibo kirvehes huttuu keitetäh ?
– Anna vai kattil – ozutan .
Akku toi kattilan , saldattu pezi kirvehen .Pani sen kattilah , valoi vetty da sytytti tulen .Akku muga möllöttäy , ga ni silmii ottua ei voi saldataspäi .Otti saldattu luzikan , huttuu sevoittelou .Opitteli .
– Ongo valmis ? Ongo hyvä ?
– Terväh roih valmis , vastuau saldattu . Žiäli vai , ku suolua ei ole .
– Ga sidä hyviä minul on , ota , suolua .
Saldattu opitteli .Vie kerran sevoitti .
– Mi on hyvä ! Ku vie vähäine suurimua täh olis panna !Akku huolistui , kuslienne löydänyh huavozen suurimua da toi .
– Ota , ližiä , mi pidäy . Saldattu pani suurimat keittoh .Keittäy , keittäy , sevoittelou , opittelou .Kaččou akku saldattah silmät möllälleh .
– Oh , mi on magei ! suudu n’apsahutti saldattu .– Tänne vie gu olis pikoi vähäine voidu , sit ylen hyvä huttu rodies .
Voidugi akal löydyi .Pandih voit huttuh .
– No , midäbo , nygöi lövvä leibiä da ota luzikku , rubiemmo syömäh !
– Pidäyhäi olla , nikonzu en tiedänyh , ku kirvehes nengoine magei huttu roih , ihastelou akku .
Syödih kahtei sen hutun .Akku i kyzyy :
– Saldattaine !Konzubo kirvesty rubiemmo syömäh ?
– Ga , näet , kirves ruohkakse täl kerral jäi . Kustah matkal vie keitän sidä da syön huondesverokse !
Terväzeh pani kirvehen kaššalih , prostihes emändänke dai lähti ielleh toizeh hieruh .
Vot muga saldattu hutun söi dai vie kirvehen sai !
Kirveshuttu
Livvi
New written Livvic
–
–