Texts
Return to list | edit | delete | Create a new | Statistics | ? Help
Kui enne svuad’bua piettih
Kui enne svuad’bua piettih
Livvi
Kotkozero
Ei
pie kiirehtiä ni naija , ni miehele mennä .Neidiženny tulou vähem aigua olla ku akannu .Kai tytöt kiirehtetäh miehele mennä : varatah igäneidižikse jiändy (ie ).Kerdu naija pidäy , a igä eliä tulou .Akku ei ole kandeleh : seinäle et riputa , ni kaglas et kandele .Tytön vanhembat ei sulhaštu vallittu , vaigu vuotettih ken teriäm tyttären koziččiš .
Toštu nuordu tyttyö vanhale kozitah , mielipuolehižele , ga tytär pokoroiččeheze muamale i tuatale :
Älä , muamoi , miehele anna ,
en ole ilmanigäine ;
Eibo jiälo igiä valikkii
da ni brihua vallittuu .
Enimyölleh tuatto da muamo poijale andilas vallittih , ei kačottu , suvaiččougo briha tyttyö vai ei suvaiče . Taloih pidi ruadai , pertih palkatoi .Puaksuh čomale brihale tuhmu mučoi otettih , oliš vai bohattu .Sanottih : Ei čomal rožal čupukkua pasteta .
Kargei elos oli nuorele mučoile da vie keyhäs talois otetul .Kaikkii pidi kuunella , vastata nikelle ei suannut .Ei sudre sanottu : "Buat’koin pletti šoihkei on , a käzi gu pajan pal’l’u .Muatkoi päivät jasattau , ku käzikivi karaittau .Kyvyt gu havvukat : kaikkielepäi n’uokitah . Navot gu mavot : vilištäh šuhišten .Eigo ukos välliä olluh . Yksi tuikku korvale , toine tuikku lat’ettu vaste ".
Oli i muga : bohattu taloi naitoi ainopoijan keyhäs talois , sikse bohatat tytöt ei vijanalužele mennä tahtottu .Ilmaigo sanottih : "Komšupiä Pešoi čoman Out’oin venčan alle vedi ".
Vanhembat kauppua piettih , ei kyzytty nuorižuo , kedä kes i kus naittua .Suututtih vanhembat poijan da neveskän piäle i perehes eroitettih , da ni vuittii ei annettu .Niijen oza oli musteltau .Eihäi ilmai sanottu moižih näh : "Heijän kondu korves , perti pedäjäs , elot oksal , varoin paskat taiginas ".
Naittajes čomuttu myö ei vallittu andilastu , vai kyzyttih priduanoidu enämbi da lahjua parembua .Priduanoikse pidi olla lehmy , lammas , samvuaru , zirkalo , kamodu , sundugu , ast’ettu i kijottu .Lahjakse buat’koile – pielus , hurstiine , paidu ; muatkoile puarakse villaštu ili lastii , ili siiksua ; ristižäle paidu i štanat ; rist’oile siiksua puarakse ; kydylöile paijat ; sizärile i kälylöile kouftat .Kolmen yön peräs muatkoile vie kouftu pidi .Kaikele piäle vie kuožali kezräjes , rengi vien kandajes .
Svuad’buaigu on syvysarres libo pyhäkeskes , harvah – kevätarres , a heinarres da leikkavoaigah – se vai ylen suures nuužas : konzu eulo perehes emändiä , libo konzu neidiine on vačanke (oli i moižii kummii eläjes ).
Kui enne svuad’bua piettih
Livvi
Kotkozero