Texts
Return to list | edit | delete | Create a new | Statistics | ? Help
Mehed L’udmila . Taitajan opaštajan nerokkahat kašvatit
Mehed L’udmila
Taitajan opaštajan nerokkahat kašvatit
Karelian Proper
New written karelian
Luovua innoššušta lisyäy
omah ruatoh Čalna-pos’olkan lisäopaššukšen opaštaja Irina Linnik .
Irina V’ačeslavovna ruatau mualaukšen opaštajana pos’olkan keškikoulušša šekä opaštajana V’ačeslav Kalaberdalla nimitetyššä taitokoulušša .
– Joka lapšešša on taituo , aikuhisen vain pitäy šitä huomata ta auttua kehittyä , on varma Irina . – Uuši aika ta teknologijat opaššetah meitä kehittymäh garmonijašša . Nyt taitokoulun kuvataito-ošašton lapšien kera myö mualuamma kuvie Irina Nikitinan viittä starinua varoin .Enšin tarkkah luvemma starinoja , pakajamma ta šiitä alotamma luovua ruatuo .Meijän šuavutukšena on julkaissut kirjat : Samaran runoilijan Svetlana Makašovan "Starina valkiešta heposešta ", missä on Čalnan lapšien kuvie , šekä Mehed L’udmilan "Ämmön starinoja ", missä on Kira Mihailovan kuvie .
Šuunnitelmissa on valmistua korttien kokomuš ta kalenteri Uuvvekši Heposen vuuvvekši , missä on lapšien piiruššukšie .Irina muhiu ta voipi paissa omista taitajista lapšista äijän ta pitälti .
– Šamoin on julkaistu värityškirja , missä on vain lapšien piiruššukšie ilman tekstie . Rikeneh myö piemmä meijän taitajien opaštujien piiruššušnäyttelyjä pos’olkan koulušša , kulttuuritalošša ta kirjaštošša .Monta kertua lapšien kera valmistima magnittija , kalenterija ta kirjanmerkkijä , missä on piiruššukšie .Še kehittäy lapšie ta hyö mielelläh šäilytetäh omie piiruššukšie šekä annetah niitä lahjoiksi omilla yštävillä , kertou miun pakinakaveri .
Aktiivisešti ta tulokkahašti mänöy ruato taitokoulušša ta koulun oppituntiloilla taitajan opaštajan idejojen anšijošta .Koko šielulta toivotan taitajilla opaštujilla hyvinvointie , uušie tietoja ta kirkkahie vaikutelmie !
A meijän kaikilla pikkutähtilöillä toivotan loistua täyšin voimin karjalaisella hyvänantajalla mualla .
Taitajan opaštajan nerokkahat kašvatit
Karelian Proper
New written karelian