Texts
Return to list | edit | delete | Create a new | Statistics | ? Help
Natalja Sinitskaja. Omapajolazet kerrottih lapsile karjalazien kul’tuurah nähte
Natalja Sinitskaja
Omapajolazet kerrottih lapsile karjalazien kul’tuurah nähte
Livvi
New written Livvic
Mennyön
nedälin lopus karjalaine Oma Pajo -hora kävyi Sordavalah .Oniegas Luadogah suate-projektan mugah pietyn matkan aigah horaniekat tuttavutettih Sordavalan eläjii Karjalan tazavallan kandurahvahan kul’tuurah .
Oma Mua -lehten toimittai Margarita Kemppainen kerdoi sordavalalazile školaniekoile karjalazien ennevahnazis perindöllizis ruutis .
‒ Oli ylen mieleh nähtä da kuunnelta karjalazien naizien da miehien ruutis . Net ollah ylen čomat , naizil vie čomembat , migu miehil , sanoi Sordavalan školan n :u 1 viijenden kluasan opastui Alina .
Margaritan paginan jälles lapsil oli mahto panna piäle ennevahnazet ruutat da luadie oma kuva tantamareskas , kuduat omapajolazet luajitettih projektan varoih .
Omapajolazet Anna Usova da Nikolai Karpin kerrottih lapsile omas tuotandos : Anna kirjuttau runuo karjalakse da kiändäy runuo karjalakse suomen da ven’an kielis .Inehmizen runuo suau lugie "Omas Muas " da "Taivalas ", hänen kirjutettuu da kiännettyy pajuo suau kuulta "Oman Pajon " konsertois .Nikolai kirjuttau ven’ankielisty prouzua lapsile , kerdou karjalazien kul’tuurah da perindölöih nähte .
Lapset arbailtih karjalazii arbaituksii , heile saneltih karjalazih suarnoih da sananpiälöih nähte .Sen mugah opastettih heile karjalazii sanoi .Lapset tiijustettih , mindäh sanotah , ku karjalazet syvväh pedäjän kojua .
Projektan pidoloih kuuluigi "Oman Pajon " vastavus sordavalalazen Russkaja pesn’a -horan kel .Petroskoilazet pajattajat pajatettih karjalankielizii pajoloi , sordavalalazet paiči ven’ankielizii hol’aitettihgi karjalazen Duarjaine-Muarjaine .Sordavalalazien pajattajien keskes ongi karjalastu inehmisty , sendäh karjalazet pajot da perindöt ollah heile hyvin tutut .Konsertan lopus "Oma Pajo " da "Russkaja pesn’a " yhtes pajatettih karjalakse da ven’akse pajon "Terveh , Karjal !".Kaččojua da kuundelijua Sordavalan joudoaijan keskukses oli täyzi zualu .
Projektua "Oniegas Luadogah suate " Ven’an prezidentan grantufondan kannatuksel todevutetah "Anuksenlinnan karjalazet " da Oma Pajo -hora .Projektan pivot algavuttih mennyt vuon sygyzyl da jatkutah tänä vuongi .
Omapajolazet kerrottih lapsile karjalazien kul’tuurah nähte
Livvi
New written Livvic