Texts
Return to list | edit | delete | Create a new | Statistics | ? Help
Ven’an kanzoin yhtevyön vuozi: Karjal valmistuu
Ven’an kanzoin yhtevyön vuozi: Karjal valmistuu
Livvi
New written Livvic
Tulii
vuozi on ilmoitettu Ven’an kanzoin yhtevyön vuvvekse .Muan kaikis subjektois sen aigah ruvetah valmistamah pidoloi , kudamien tarkoituksennu on yhtistiä da lujendua Ven’an kanzat .
Karjalan tazavallasgi niidy , Kanzallizen da alovehellizen poliitiekan ministerstvan mugah , rodieu äijy da kaikenmostu .
Tulien vuon pietäh jo perindöllizet "Karjalan rahvahien kielien da kul’tuuroin nedälit ", sanelu karjalan da vepsän kielil , Karjalazien runoloin päivy da Karjalaine kruugu .
Uvvessah pietäh moizii kilboi da pidoloi , kudamii ei olluh jälgimäzien vuozien aigah .Sanommo , tuaste pietäh kilbu etnožurnalistiekan alal ruadajih nähte da kilbu niilöih niškoi , ket kirjutetah kanzallizil kielil literatuurutevoksii .Kannatetahgi nuorii , ket opastutah korgielois školis da tutkitah kanzallizii kielii da etnokul’tuurizii ainehii .
— Tulien vuon rodieugi ihan uuttu projektua . Myö luajitammo uvven mediakontentan Karjalan rahvahien kielih da kul’tuuroih nähte nuorižon etnoekspeditsieloin aigah , kudamih yhtytäh aktiivizet da nuoret tazavallan kaikis piirilöispäi , ilmoittau Kanzallizen da alovehellizen poliitiekan ministerstvu omassah VK-sivul .
Sygyzyl vuvvennu 2026 pietäh tiedo-praktiekalline konferensii , kudai rodieu omistettu Karjalan tazavallan kandurahvahien kielien da kul’tuuroin säilyttämizele da kehittämizele , perindöllizien eländykohtien etnosotsiualizele kehityksele .
Paiči sidä tulien vuon pietäh Periodika-julguamon 35-vuozipäivy .Karjalazen runoilijan Vladimir Brendojevan 90-vuozipäiväkse valmistetah pidoloi Petroskois da Anukses .
Ven’an kanzoin yhtevyön vuozi: Karjal valmistuu
Livvi
New written Livvic