Texts
Return to list | edit | delete | Create a new | Statistics | ? Help
Ol’ga Dubitskaja. Kaikes rakkahembal kirjutan luonnos
Ol’ga Dubitskaja
Kaikes rakkahembal kirjutan luonnos
Livvi
New written Livvic
Uuzi
kirju karjalan kielel livvin murdehel piäzi ilmoih juuri vuvven 2015 lopus .
"Kylläl karjalakse paista… " Valentina Libertsovan runokogomus piäzi ilmoih Periodika-julguamos . Se kirju voitti käzikirjutuksien kilvas da oli painettu Karjalan tazavallan b’udžietan varoil .Täs kirjas ollah kui Valentina Libertsovan kirjutetut runot , mugagi hänen kiännökset .Kiännetyt ollah Marina Tsvetajevan , Larisa Rubal’skajan ,
Valentin Berestovan runot .
Kaikkiedah kirjas on seiččie ozua – karjalazet , Karjal da karjalan kieli , vuvven ajat , oman kylän da karjalan luonnon suvaiččemine da kiännetyt runot .
Kyzymykseh midä on kebjiembi kirjuttua runuo vai prouzua , Valentina Libertsova vastai , ku runuo , tiettäväine , on kebjiembi kirjuttua sendäh , ku täh ruadoh ei pie menettiä äijiä aigua .Runuo voibi keksie joga
hetki – kodiruaduo ruadajes , ruadoh astujes , meččäh kävves .A vie kebjiembi on kiändiä runuo .Runon tekstuhäi on jo valmis , on kirjutettu , pidäy vaigu sanat kiändiä da rifmu vallita .A gu ei ole viritesty , ei pie sidä eččie runon kiändämizeh .
– Kaikes rakkahembal kirjutan luonos . Kirjutin äijän Brendojevas , konzu hänes ei kirjutettu , enzimäi ven’akse , a sit karjalakse .Mielihyväl kirjutangi omas kyläs – Mačarves , minun buabas , bunukas , pruazniekois , sanou Valentina Libertsova .
Ven’akse Valentina Vasiljevna kirjuttau jo ammui , karjalaksehäi algoi kirjuttua ei muga ammui .Kirjuttamah karjalakse händy potakoičči Marija Brendojeva , häi sanoi , ku pidäy kirjuttua karjalakse .Mugai Valentina Libertsova libuigi kirjuttamah karjalakse .
Parahannu karjalan kielen runoilijannu Valentina Libertsova pidäy Vladimir Brendojevua – enzimästy liygilästy runoilijua .Vie häi suvaiččou Aleksandr Volkovan , Ivan Savinan runuo da Tatjana Baranovan kiännettylöi pajoloi .
Nikolai Zaitsevan kirjutuksii Valentina Vasiljevna pidäy hyvinny , syvinny da ylen mielevinny .Iče Valentina Libertsoval ei ole kirjutuksii ven’akse , on vaiku karjalan kielel .Prouzua , Valentina Vasiljevnan sanoin mugah , kirjuttua on jugiembi , pidäy istuo stolan tagan da kirjuttua , sit kohendua .Sih kaččomattah kirjuttai valmistau materjualua tulieh kilbah , ga nygöi net ollah jo prouzukirjutukset .
Valentina Vasiljevna pahelzuu , ku rubei kirjuttamah omal karjalan kielel myöhä , kui monet karjalazet kirjuttajat .Ga sanotahhäi , parembi myöhä , migu nikonzu .Uuttu kirjua da hyviä kirjutusviritesty Valentina Libertsovale !
Kylläl karjalakse paista… -kirju voibi suaja Kanzallizen poliitiekan ministerstvas adresil Sverdlovan piha , 8 (toizel kerroksel ).
Valentina Vasiljevna Libertsova
On rodivunnuh vuvvennu 1957 Anuksen piirin Mačarves .Naine vuvves 2006 algajen on Oma Mua -lehten alalline lugii da kirjuttai .
Inehmine on Brendojavan nimen palkindon laureattu , kirjuttau runuo , prouzua , kirjutuksii lehtih , oučerkoi da literatuurukriitiekkua .
Nygöi häi eläy Petroskois da ruadau ven’an kielen da literatuuran opastajannu .
Kaikes rakkahembal kirjutan luonnos
Livvi
New written Livvic