Texts
Return to list | edit | delete | Create a new | Statistics | ? Help
A myö olimmo, tytönny olles, minä olin nuori
A myö olimmo, tytönny olles, minä olin nuori
Livvi
A
myö olimmo , tytönny olles , minä olin nuori , oli minul seičeitostu vuottu .Sie oldih meile kyläs staruuhat , Syndyy käveltih kuundelemah pihal .Nu , janvar’al sit .Sit myö (nuorete himoittauhäi ) poašitammo , Šašakse sanottih : "Šaša –t’outa , läkkä meijänkel Syndyy kuundelemah ."Sanou : "Voin lähtie , — sanou , — vai työ älgeä baluikkoa sinä peän , älgeä mattie kirgukkoa , älgeägo tyhjea liijakse baluikkoa . Sit , — sanou , — minä lähten .Lähtemmö , — sanou , — čoassuu jo kymmene , daaže yhtendeltostu ildoa , štobi ei liigoa olis kävelijie ".Sit myö lähtimmö sil kerral , lähtimmö , häi vietti meidy prorubiloih , järvirandah .I kak ras ollah , teä tulou nengaleite dorogu i teä nengaleite , ristah on dorogat .Sit myö niil dorogoil seizatuimo , häin (enne oldih nu , salfetkat , dopustim , kodikuvotut ) häin meidy kaikkie katoi , hengie meidy viizi oli .Nu vot .Iče otti šiižmah , midä sie sanoi , ielleh –järilleh käveli .Sit rubeimo Syndyy kuundelemah , nenga peät alahpäi heitimmö , seizommo kai yhtes kuučas .Sit sie järven agjas rubei kuulumah neče , nu vemmel , kellokse enne sanottih .Ajettih , dugas oli kello moine , jarkoi .Enne svoad’boih da kai moizien kelloloinkel ajeltih .Sit moine kello tulou , hebo se mugaleite kaputtau , nengaleite , kuuluu jalgoi .A myö toine tostu nyrvimmö bokkah : kuuluugo sinul ?Kuuluu !Nu , sit se proiji , hebo yliči järven sie .Mal’l’alas da Heččulas da sit tänne päi , sinne nouzi .Sit otti t’otka meile pyhkimen peäs , iče sanou : "Kuulittogo midä ?""Kuulimmo ! Nečiepäi la hebo ajoi ylen ruttoh da sit kellolois ajoi "."Nu sit , — sanou , – svoad’bu roih keneltahto . I tädä järvie myö ajetah ".Dai kaksi kuudugo liennou mennyh , nygöi häi oli Miša , a muga veličaittih ainos : Pakkaizen Miša , Nikolajev Miša , Sissoizen .Ylen boikoi mies oli da kai häi nai sie Štekin kyläs i akan vedi Sissoizih .Se kuului hyvin .Minä ennen sidä en uskonuh , što kuuluu midätahto , a kuuluu !
A sit : "Viego , — sanou , — tahtotto kuunella ?""Ga davaikkoa vie kuundelemmo , no ". "Älgeä , — sanou , — vai nimidä virkakkoa , kuni kuundeletto gu kuulumah rubiennou . A sit , — sanou , — jälles pagizetto ".Sit opat’ palaizen eistimmökseh , opat’ häi kuundelemah rubei .Dai myö pyhkimen oal .Sit rubei mugaleiten sie Hečculas kohoamah kai on häi gu .A minul ei ugodinnuh , štoby nägizin , a saneltih , nähtih , što se tulou gu soatto , nengaleiten tulou , oigieh sih , kus rahvas seizotah .Konzu kuundelet , konzu seizatut Syndyy kuundelemah , kuulet , se rubieu gu , kui sanuo , toiči gu mašin ajau mugaleite kohizemah , tulemah .A sit ken sie on glavnoi , rukovoditel’ ga : "Što –to ne tak !"Nu vot .Jesli hypit , libo lähtet neser’jozno , toizet moožet ollah sur’jozno , a kentahto joukos vroode na smeh lähtöy , sit soatonnu gi tulou .Sit gu smejošs’a , sit buudeš znat´ .Sit gi boaboi neče sanoi : "Tol’ko lähtijes kaikin uskotto da spokoino oletto ".A eräs duumaičou : "Hi –hi –hi !"Enne velli net oldih sur’joznoit dielot .Erähät ei ni ruohtittu lähtie .
A myö olimmo, tytönny olles, minä olin nuori
Livvi