Texts
Return to list | edit | delete | Create a new | Statistics | ? Help
Aleksandra Lesonen. Koštamuš rupieu kaunistumah
Aleksandra Lesonen
Koštamuš rupieu kaunistumah
Karelian Proper
New written karelian
Severstal’-yhtij ö ta
Dobrota Severa -hyvänluajintašiätij ö yheššä Jauzaprojekt-yhtij ön kera valmissettih Koštamukšen kehityššuunnitelma vuoteh 2036 šuaten .
Muasteri-šuunnitelma esiteltih Artur Parfenčikovilla Karjalan tašavallan päivien rajoissa , kumpaset mäntih Moskovan Venäjä-kanšalliskeškukšešša 26. pakkaiskuuta – 1. tuiskukuuta .
Tuiskukuun 11. päivänä Koštamukšen aktiiviset eläjät kačeltih kaupunkin kehityššuunnitelmua tašavallan piämiehen , kaupunkin ta kombinatin johtajien šekä projektin disainerien ta valmistajien kera .Koštamukšelaiset šanottih omie ehotukšie ta kyšymykšie , jotta vaikuttua kaupunkin tulovaisuoh ta šen arhitektuurinäköh .
ON TÄRKIETÄ ŠÄILYTTYÄ PERINTYÖ
"Severstalin " lehistöpalvelu kerto , jotta valmistuas’s’a muasteri-šuunnitelmua piettih luajie sosiologitutkimukšie , jutteluja Koštamukšen kaupunkipiirin hallinnon etuštajien kera , väittelyjä eksperttien kera ta vaštautumusie eläjien kera .Projektipiätökšien luatimisen aikana spesialistit staraitih ottua huomij oh väještön eri ryhmien hyötyö .
Muasteri-šuunnitelmašša on 70 infrastruktuuriprojektie , kumpasien rajoissa on 200 tilaisutta .Piäšuuntien luvušša on sosiali - ta inšeneri-infrastruktuurin modernisointa , kaupunkin keškukšen kokonaiskunnoššuš , kuletukšen šuavutettavuš .
Erikoini huomij o on kiinitetty uušien vetopaikkojen – etnokylän , ekopuiston , hiihtoklasterin luatimiseh šekä Koštamukšen aunutluatusen neuvoštoliittolais-šuomelaisen arhitektuuriperinnön šäilyttämiseh .
– Meij än šuuren yhteisruavon anšij ošta Koštamukšen kaupunkipiiri enši kertua šai kehityšstrategij an kymmenekši vuuvvekši . Še on tarkka dokumentti , mih on kirjutettu konkrettiset aškelet joka šuuntah ta on lašettu mänöt .Olen varma , jotta još viranomasien onnistuu ruatua muasteri-šuunnitelman mukah , houkutella bisnessie ta yksityisšij ottajie , myö niämmä kaupunkin , kumpani rupieu kehittymäh pisyväšti ta missä jokahini haluou elyä , šano Karel’skii okatiš -yhtij ön piäjohtaja ta Karjalan lakienluajintakokoukšen deputatti Maksim Vorobjov .
MIKSI MUASTERI-ŠUUNNITELMA ON HYÖVYLLINI ?
Kaupunkin kehityššuunnitelma vuatiu yhteisrahotušta .Šen toteuttamista varoin pitäy aktiivisešti vetyä valtij o - ta yksityisšij otukšie , kumpasien miärä kymmeneššä vuuvvešša voipi piäššä 63,5 miljardih rupl’ah .Partn’orien ta varojen ečinnäššä rupieu auttamah "Severstalin " peruštama Kaupunkin kehitykšen toimisto Čerepovetsista .
Einuššukšien mukah muasteri-šuunnitelman toteuttamisen anšij ošta vuuvvekši 2036 väještön lukumiärä kašvau kahella tuhannella , turistivirta kašvau 150%, paikallisen b’utžetin tulot lisäyvytäh ta kaupunkin ympäristön luatu tuntuvašti parenou .
Tuiskukuun 11. päivänä tapuamisešša koštamukšelaisien kera Karjalan piämieš Artur Parfenčikov ta halličukšen jäšenet korkiešti arvoššettih kaupunkin kehityššuunnitelma ta koroššettih , jotta šemmoset muutokšet positiivisešti vaikutetah Koštamukšen sosialitalouvelliseh kehitykšeh .
Koštamuš rupieu kaunistumah
Karelian Proper
New written karelian
"