Texts
Return to list | edit | delete | Create a new | Statistics | ? Help
Aleksandra Lesonen. Karjalaisen kulttuurin pruasniekka keräsi vierahie
Aleksandra Lesonen
Karjalaisen kulttuurin pruasniekka keräsi vierahie
Karelian Proper
New written karelian
Tuiskukuušša Koštamukšešša perintehellisešti vietetäh
šuomelais-ugrilaisien kanšojen kulttuurin kanšainvälini Kanteletarfestivali .
Tänä vuotena pruasniekka mäni piäasiešša kulttuurin ta urheilun Yštävyš-keškukšešša 14. tuiskukuuta .
Tilaisuš alko käsityöammattien jarmankašta , missä esillä oli luajokšie käyttötaij on ta kanšanelinkeinojen muasteriloilta .Šamoin šiinä mäni eeppisen Kalevala-runoelman painokšilla omissettu Vanhojen runojen muailmašša -kirjanäyttely .
Jo monta vuotta pruasniekan vierahie eniten miellyttäy tanššiohjelma .Kaikki halukkahat šuatih kuunnella kantelen šoittuo , čukeltua kyläpruasniekan ilmapiirih ta tanššie kanšantanššija .
Nuorimmilla vierahilla toimittih leikkitilat šekä piiruššuštila Kalevala-runoelman mukah .
Pruasniekan lopušša Koštamukšen piänäyttämöllä piettih Legendojen ta runonlaulajien mua -konsertti .Šiih ošallistu Kulttuuritalon luovie kollektiivija , piirin kanšallisie šeuroja ta festivalin vierahie Kalevalašta , Vuokkiniemeštä ta Jyškyjärveštä .Jurii Gladiševin ohjuama kantelistien orkesteri Kalevalašta aina vallottau kaččojien šytämie ta korvie kanšanšoittimien taikaiänellä .
Hete -, Kataja -, Viena - ta Tuomi -kollektiivit esiteltih karjalaisie lauluja ta kirkkahie kanšanpukuja .Kultani avuan -päiväkojin ta musiikkikoulun kašvattajat yheššä lapšien kera esitettih tanššij a ta lauluja karjalaisešša tyylissä .
Aikoinah Kanteletar-festivali oli merkitykšellisenä kulttuuritapahtumana šuomelais-ugrilaisešša muailmašša .Šiih tuli vierahie muan eri paikoista ta ulkomaisie artistoja .Šuuren panokšen festivalin kehitykšeh lisäsi Valentina Karhusen johtama Karjalaini korničča-kollektiivi .Pahakši mielekši nykyni festivali on vain entisen šuuren tapahtuman kajahuš .
Talvi ei haittan pelie
Tuiskukuun 7. ta 8. päivinä Kanteletar-festivalin rajoissa joukot Karjalašta ta Tverin alovehelta pelattih kyykkäh Koštamukšešša .
Kilpailuh tuli urheilijie Petroskoista , Kontupohjašta , Segežašta , Sortavalašta , Kalevalašta , Vieljärveštä ta Tverin alovehen Oštaškov-kaupunkista .Kaikkieh ošallistu 13 naista ta 11 mieštä .Ošallistujien piätehtävänä oli lyyvvä mahollisimman äijän kyykkie pualikalla .
Kilpailujen tulokšien mukah voittajakši naisien joukošša tuli Žanna Tikkanen Kalevalašta .Jelena Kirjanen Koštamukšešta piäsi toisella paikalla , a Natalja Petrova Petroskoista – kolmannella .
Parahakši miehien luvušša tuli Dmitrii Zubar’ Sortavalašta .Toisella paikalla piäsi Jurii Krotov Ostaškovista , a kolmannella paikalla piäsi Dmitrii Paškov Kontupohjašta .
Joukkokilpailušša voitti Ostaškov-joukko .Šen peräššä ollah "Otava " ta "Kičut " Kalevalašta .
Karjalaisen kulttuurin pruasniekka keräsi vierahie
Karelian Proper
New written karelian