Texts
Return to list | edit | delete | Create a new | Statistics | ? Help
Kondii da tiedoiniekku
Kondii da tiedoiniekku
Livvi
New written Livvic
Kerran
saamelazien eländykohtas ymbäri rubei kävelemäh Kondii .Hil’l’akkazin käveli , iänettäh , kivien tuakse peittelih .Vuotti – toinah mieletöi hirvine vai koiran penduine puututah kynzih .
Ga hätkie ethäi ole peitos , gu käbälien da kynzien jället lumeh jiähäh .Naizet nähtih net jället , sanottih lapsil :
– Älgiä mengiä myöhä illal čuruamah !Kondii on lähäl .Tembuau , kandau omah pezäh dai syöy murginakse .
Jo kuudamoine illal nouzi taivahah , ga vällillizet lapset yksikai mendih čuruamah .
Kondii nouzi kiven tagua , avai oman huavon , pani dorogazes poikki , iče peittoh meni .
Čuraldettih lapset dai kaikin toine toizen peräh huavoh puututtih !Tembai kondii huavon , nosti selläl da ilomielis astuu kodih : "Täyzi huavo on lastu !Hyvin syön tänäpäi "!Astui-astui , väzyi , riputti huavon kuuzen oksah , iče puun juurel viruttih dai uinoi .
Riputah lapset huavos puun oksas , šupetetah :
– Midäbo nygöi ruammo ?Kondii syöy meijät !
Sit yksi kaikis pienin brihaččuine kyzyy :
– Ongo kel nieglu da niitti ?
– Ga tyttölöil pidäs olla , vastattih muut lapset .
Otti brihaččuine veičen , leikkai huavon , kai lapset välläle piästi , sit sanou :
– Kannelkua kivie huavoh !Lapset tuodih kivie , täytettih huavon , dai pieni brihaččuine huavoh peityi .
Kirguu huavospäi :
– Nygöi ommelkua loukko huavos da juoskua kodih !Puutettih lapset loukon huavos dai juostih kodih .
Havačui kondii , kyzyy :
– Olettogo sie hengis , kaikin huavos olij at ?
– Olemmo , kaikin olemmo hengis !
Nosti Kondii huavon hardieloile da kai hyčistih :
– Avoi-voi , mi jygei !Ehki hätkekse täydyy lihua !
Odva vai kandoi huavon omah pezässäh .Nouzi levol , lykkäi huavon lapsienke alah , iče kirguu :
– Poigaine minun dai akku ollah nälläs , pidäy teriämbi tuli panna päččih !
– Ga tuo vai suurembi kattil , viritä tuli ! kirguu vastah brihaččuine , kudai jo piäzi huavospäi .
Häi lykki iäres pezäspäi kai kivet .Sit tembai tulespäi kegälehen , kiäri sen ribuh da pani kätkyöh kondienpennun piäle .
– Anna tänne lapset , rubiemmo keittämäh !
– Täs teij än lapsi rubei itkemäh , kuni liedžutin , kai lapset pagoh mendih ! Ga ehki nygöi kondienpenduine hyvin maguau ! dai ozutti Kondiele kegälehen .
Rubei itkemäh muamo-kondii , rubei kirgumah tuatto-kondii :
– Avoi-voi , mittuine gor’a !Miksebo luajit meijän pennus kegälehen ?
– Minä olen suuri tiedoiniekku , kui kaikin minun vanhembatgi ! Minä maltan kegälehes uvvessah teij än kondiehuon luadie !Ga sit suures tiedovoičendas sinä , Kondii , kannat minun iäres kodih !
– Ga taki kannan , taki kannan !
Pani brihaččuine kegälehen päčin alle , nostatti kondienpennun , se rubei itkemäh täytty kidua .
Vanhembat kondiet hyväs mieles kaiken pennun nuoltih .A brihaččuine hyppäi Kondiel selgäh , sanou :
– Juokse teriämbä , kanna minuu kodih !
Juoksou Kondii , kandau brihaččustu-tiedoiniekkua kodih .Järven randah tuli , kus saamelazet kalua pyvvettih , dai sanou :
– En ielleh juokse , varuan !
Brihaččuine tembai veiččyzen , kirguu :
– Minun tuatto tiedoiniekku , minun muamo tiedoiniekku , ga minä olen kaikis suurin tiedoiniekku !Tämän järven minä olen luadinuh !Tahtotgo , sinuugi järvekse luajin ?
– En , en tahto ! Rubei piädy säräittämäh Kondii .
Dai juoksi ielleh brihaččuzen vanhembien luo .
Saamelazet tavattih Kondien , kiini sivottih .
– Miksebo meijän lapsii varrastelet ?
– Piästäkkiä minuu ! Sanon teile , kui pidäy ruadua , ku kondiet teijän lapsii enämbiä nikonzu ei otettas !
Piästettih rahvas Kondien .Vuotetah , midä sanou .
– Ezmäzekse – lapsil pidäy kuunnella , midä vanhembat sanotah . Toizekse – lapsil pidäy olla rohkei syväin .Kolmandekse – konzu kondii tulou vastah , pidäy kaččuo sil kohti silmih , sit kondii pöllästyy dai juoksou iäres , muga sanoi saamelazile Kondii dai pageni iäres meččäh .
Sit aij as saamelazien lapset ei enämbiä varata kondieloi .Vastatah mečäs , rohkiesti kačahtetahes kondiele silmih , dai se lähtöy iäres , ei koske lapsii .
Vai net lapset , ken muaman sanua ei kuulta , toiči voij ah puuttuo kondien kynzih .Ga hyö iče viärät .
Kondii da tiedoiniekku
Livvi
New written Livvic
–
–
–
–
–
–
–
–
–
–
–
–