Texts
Return to list | edit | delete | Create a new | Statistics | ? Help
Nina Zaiceva. Jumalan linduižed
Nina Zaiceva
Jumalan linduižed
Veps
New written Veps
Räkes
säs om lujas žar järven randad läz -ki .Magadajiden heiniden päl lendlesoiš vezikorendod .Veden pindadme ujeleba vedenmäričijad .Läz penzhid peitlese neglik .Uhtnägoi minun sel'gän taga mi -se kobaidaskanzi .Nece mitte -se tundmatoi minei sur' lind vajehtab magaduzsijad maihutaden laškas suugil .
Koivuiden al voib peittas päiväižen räkiš sädegišpäi pil'vesen südäimehe .Levitan koivun alle suren paikan i tahtoin vähäižen lebaitas .Ripsuiš läbi kacun taivhaze .Se om korged i sinine -sinine .Sen korktuz' om ani edahan .Vaiše päiväine pakuižen kehkeran hoštajan änikon kartte om sijadanus necen korktuden südäimehe .
Päiväine sirdäse hilläšti taivastme .Koivun oksiden kidžerad kuvahaižed venuba ümbri minus .Uhtnägoi mi -se furskahti sil'miden edes .En ehtind homaita ripsuiš läbi , mitte lind lendaškanzi jogennoks .Kaimdan sil'mil necidä heredad lindušt .Se tahtoib lainata verest vet .
Kacun möst taivhaze i nägen päskhaižid .Ned lendlesoiš kaiken ülähän i vaiše hondod säd kanman päzuba alemba , ani mannoks .Nenid linduižid vepsläižed kucuba erašti jumalan linduižikš , muga korktas ned lendlesoiš , ani Jumalanno .Tahtoižin minä -ki olda päskhaižen !
Jumalan linduižed
Veps
New written Veps