Texts
Return to list | edit | delete | Create a new | Statistics | ? Help
Никольский Виктор. Двѣнадцать Страстныхъ Евангелiй, чтомыхъ въ Великiй Пятокъ на утрени на карельскомъ нарѣчiи. 1. Jevangelіe
Двѣнадцать Страстныхъ Евангелiй, чтомыхъ въ Великiй Пятокъ на утрени на карельскомъ нарѣчiи. Евангеліе 1-ое
"
Никольский Виктор
Двѣнадцать Страстныхъ Евангелiй, чтомыхъ въ Великiй Пятокъ на утрени на карельскомъ нарѣчiи. 1. Jevangelіe
Livvi
Ioan . gl . 13, st . 31 ‒ gl . 18, st . 1.
31. Sanoi
Gospodi omіjal učenіekoile : Nygöi kіitävyi Ihmizіen Poigu i Jumal kіitävyi Hänes .
32. Ku Jumal kіitävyi Hänes , muga i Jumal kіitäy Hänen Ičes , i terväh Hänen kіitäy .
33. Lapset ! En Minä ole teijän kel jo vіikuo .Ečittö Minuo , i , ku Minä sanoin Iudeiloile , kunne Minä menen , työ etto voi tulla ; i nygöi sen Sanon teile .
34. Uvven käskyn jätän teile : "suvaikua toine tostu ; ku Minä teidy suvaičin , muga i työ anna suvaičetto toine tostu .
35. Sidä -myӧ kaikin tіjustetah , što työ oletto Minun učenіekat , ku ruvennetto suvaičemah keskenäh ".
36. Semoi Pedri sanoi Hänel : "Gospodi ! kunne Sinä menet ?Iisus Hristos hänel vastai : "Kunne Minä mänen , sinä nygöi et voi tulla Minulle ni jälles ; a aijan peräs tulet Minulle ni jälles ".
37. Pedri Hänel sanoi : "Gospodi ! mindäh Minä nygöi en voi tulla Sinul jälles ?Minä oman hengen panen Sinus stuači ".
38. Iisus Hristos hänel vastai : "oman go hengen panet sinä Minus stuači ? Toven -todeh sanon sinul : Ei ehti kukoi laulua , ku sinä kolme kerdua otrekaičettos Minus .
14. GLAVA .
1. Älgäh olgah pahas mieles teijän syväin ; uskuot Jumalah i Minuh uskuot .
2. Minun Tuatan kois on äijy huonehtu . A ku ei olis muga ; Minä sanozin teile : Minä lähten valmistamah teile tilua .
3. I konzu lähten i valmistan teile tilan ; uvvessah tulen i otan teidy Ičellyӧ , ku työ olizitto sіe , kus i Minä .
4. A kunne minä menen , työ tіijettö i dorogan tіijetto ".
5. Foma sanoi Hänel : "Gospodi ! myö emmo tіije , kunne Sinä mänet ; i kui myö voimmo tіetä dorogan ?"
6. Iisus Hristos hänel sanoi :
"Minä olen dorogu , praudu i hengis -olendu ; niken ei tule Tuatalluo , ku vai Minun kaute .
7. Ku tiedäzittӧ työ Minuo , tіedäzittö i Minun Tuatua . Täs aijas tіijettö i näittӧ Hänen ".
8. Filippu Hänel sanoi : "Gospodi ! ozuta meile Tuatto , i meile sidä roiteh kylläl ".
9. Iisus Hristos hänel sanoi : "sen aigua Minä olin teijän kel , i sinä , Filippu , Minuo vіe et tіije ? nägіi Minuo , nägi Tuattua ; kui -že sinä sanot : ozuta meile Tuatto ?
10. Razve sinä et usko : što Minä olen Tuatas , a Tuatto on Minus ? Sanat , kudamat Minä sanon teile , sanon en Ičespäi ; Tuatto , Minus olіi , Häi luadіi dіelot .
11. Uskuot Minul , što Minä olen Tuatas i Tuatto on Minus ; a ku ei muga , sіt uskuot Minuh Minun dіeloloi myö .
12. Toven -todeh sanon teile : uskoi Minuh , dielot , kudamie Minä azun , i häi azuu i enämbel niidy vie azuu ; Minä bo mänen oman Tuatalluo .
13. I midä pakinnetto Tuatal Minun nimeh , sen Minä luajin , ku kiitävys Tuatto Poijas .
14. Ku midä pakinnetto Minun nimeh , Minä sen luajin .
15. Ku suvainnetto Minua , spolniet Minun käskyt .
16. I minä pyvvän Tuatan i andau teile toizen armastajan , kudai roiteh teijän kel ijän kaiken .
17. Oigien Hengen , kudamua muailmu ei voi priimie , ku ei näi i tiije Händy ; a työ tiijettö Hänen ; häi on teijän kel i teis roiteh .
18. En jätä teidy armottomikse : tulen teijällyö .
19. Vie ei viikko aigua : i muailmu jo ei näi Minuo , a työ Minuo näittö ; Minä elän i työ elättö .
20. Siinä päivänny työ tiijustatto , što Minä olen Minun Tuatas , i työ oletto Minus i Minä ‒ teis .
21. Pidäi Minun käskyt i eläi niidy -myö , se Minuo suvaiččou , a ken Minuo suvaiččou , se roiteh suvaittu Minun Tuataspäi ; i Minä händy rubien suvaiččemah i Iče hänel ozutammos ".
22. Iudu , ei Iskariotskoi , sanoi Hänel : "Gospodi ! mi on se , što Sinä tahtot ozuttua Iččie meile , a ei muailmal .
23. Iisus Hristos hänel vastai : "ken suvaiččou Minuo , se spolnii Minun sanan ; i Tuatto Minun rubieu suvaiččemah händy i Myö tulemmo hänellyö i eländy huonehen hänellyö luajimmo .
24. Ei suvaiččii Minuo , ei spolni i Minun sanoi ; sana , kudaman työ kuoletto , ei ole Minun , no Tuatan , Minun työndäjän .
25. Tämän sanoin teile , olles teijän kel .
26. Armastai , Pyhä Hengi , kudaman työndäy Tuatto Minun nimeh , opastau teidy kaikkeh i mustoittau teile kai , midä Minä teile sanoin .
27. Rauhan jätän teile ; rauhan Minun annan teile ; ei muga , ku muailmu andau , Minä annan teile ; anna ei ole pahas mieles i ei nöllästy teijän snov’ain .
28. Työ kuulitto , midä Minä sanoin teile : lähten teijälluo i tulen teijällyö . Ku työ suvaiččizitto Minuo , ihastutto , midä Minä sanoin : mänen Tuatalluo ; Tuatto Minun on enämbi Minuo .
29. I nygöi sanoin teile , enne vie sen roindua , ku uskozitto , konzu se roiteh .
30. Ei ole minul jo äijiä aigua paista teijän kel ; tulou kniäzy tämän muailman i minus ei lövvä nimidä .
31. No ku muailmu tiedäs , što Minä suvaičen Tuattua , i ku käski Minul Tuatto , Muga i ruan ; noskua i lähtemmö täs .
15. Gl .
1. Minä olen tozi puu i Tuatto Minun on hänen kazvattai .
2. Joga varvan , ei Minuo vaste andajan plodua Häi leikkuau ; i joga varvan , plodan andajan puhtastau , ku enäbän tuos plodua .
3. Työ jo oletto puhtastetut sanas piäliči , kudaman Minä teile sanoin .
4. Olgua Minus , i Minä teis . Kui varbu ei voi kazvattua plodua ičekseh , ku vai ei olis puus kiini , muga i työ , ku etto olle Minus .
5. Minä olen puu , a työ varvat ; ken on Minus i Minä ‒ hänes , se andau äijän plodan ; Minuttah työ etto voi luadie nimidä .
6. Ken ei olle Minus , lykkävyy iäres , ku varbu , i kuivau ; a moizie varboi kerätäh i lykätäh tuleh i paletah .
7. Ku olletto Minus i Minun sanat oldaneh teis , siit , midä tahtonetto , pakikkua , i roiteh teile .
8. Sil kiitävyy Minun Tuatto , ku työ tuonnetto äijän plodan i roinnetto Minun učeniekoikse .
9. Ku Minuo suvaičou Tuatto i Minä suvaičen teidy ; olgua Minun suvaičukses .
10. Ku Minun käskyt spolninetto , roitokseh Minun suvaičukses ; muga i Minä Oman Tuatan käskyt spolnin , i olen Hänen suvaičukses .
11. Tämän Minä sanoin teile , ku ihastus Minun olis teis , i teijän ihastus olis täyzi .
12. Tämä on Minun käsky , suvaikua toine tostu , ku Minä teidy suvaičin .
13. Ei ole suurembua sidä suvaičustu , ku ken panou oman hengen armahis stuači .
14. Työ Minun armahat , ku spolninetto sen , min Minä käskin teile .
15. Minä jo en nimitä teidy kuudelijakse ; kuundelii bo ei tiije , midä izändy hänen ruadau ; no Minä nimitän teidy armahikse , sidä myö ku sanoin teile kai , min kuulin Omas Tuatas .
16. Etto työ Minuo vallinnuh , a Minä teidy valličin i panin , ku työ menizittö i tuozitto plodan , i ku plodu teijän elis , sidä vaste , ku , midä gi pakiččizitto Tuatas Minun nimeh , Häi teile andas .
17. Sen käsken teile ‒ suvaikua toine tostu .
18. Ku muailmu teidy ei suvainne , tiediät , što Minuo enne teidy ei suvainnuh .
19. Ku olizitto työ muailmaspäi , siit muailmu omua suvaiččis ; a ku työ etto ole muailmaspäi , a Minä valličin teidy muailmas , sidä myö muailmu ei suvaiče teidy .
20. Mustuat sana , kudaman Minä sanoin teile : kuudelii ei ole suurembi omua izändiä . Ku Minuo ajeltih , muga ruvetah ajelemah i teidy ; ku Minun Sanua kuuneltih , muga ruvetah kuundelemah i teijän .
21. No kai se luajitah teile Minun nimen peräs , ku ei tietä Minun työndäjiä .
22. Ku Minä en olis tulluh i sanonuh heile , — ei olis heile riähkiä ; a nygöi ei voija panna andeikse omua riähkiä .
23. Ei suvaiččii Minuo , ei suvaiče i Minun Tuattua .
24. Ku Minä en olis luadinuh heijän iel dieluo , mimmoizie niken toine ei luadinuh , siit ei olis heile riähkiä ; a nygöi i nähtih i ei suvaittu Minuo i Minun Tuattua .
25. No da spolniihes sana , kirjutettu heijän zakonas : ei suvaittu Minuo tyhjiä (ps . 68, 5).
26. Konzu tulou Armastai , kudaman Minä myönän teile Tuataspäi , Oigei Hengi , kudai Tuatas lähtöy , Häi sanoi tovekse Minuo vaste .
27. A muga i työ sanotto tovekse , ku olitto alguo myö Minun kel .
Двѣнадцать Страстныхъ Евангелiй, чтомыхъ въ Великiй Пятокъ на утрени на карельскомъ нарѣчiи. 1. Jevangelіe
Livvi
"