Texts

Nadežda Mičurova. Karjalan luondo elavuu fotokuvis

corpus: Journalistic texts

Source:

Oma mua. № 10, 2026, p. 6

Nadežda Mičurova

Karjalan luondo elavuu fotokuvis

Livvi
New written Livvic

Yksi
heis
on
fototaidoilii Jurii Lumpijev. Jurii on
rodivunnuh Anuksen
Jyrgiläh, loppi
Anuksen
školan
n:u 1. Jälles
armiedu
händy
otettih
ruadoh
muasterikse
Anuksen
lespromhouzah
. Nygöi
häi
ruadau
Anuksen
maidozavodal
ekspediitorannu. Joudaval
aijal
Jurii Lumpijev kävyy
pajattamah
Terveh
, briha
! -miehien
horah
da
on
rakas
fotokuvuamah
. Se
suvaičus
fotokuvuamizeh
rodivui
hänel
jo
ammui
, konzu
Jurii vie
opastui
seiččemendes
kluasas
. Silloi
häi
fotografiiruičči
enimite
omahizii
, dovariššoi
da
tuttavii
. Myöhembi
"fotomečästys" rodih
Jurien mielidielokse. Vuvvennu
2009 Anukses
piettih
ezmäine
Jurii Lumpijevan foto-ozuttelu. Jälles
sidä
Jurii lujah
tartui
täh
mieldykiinnittäjäh da
jygieh
dieloh
. Karjalan
luondo
rounoku
elavuu
hänen
fotokuvis
. Meččyzvierit, linnut
, böbökkäzet da
čomat
paikat
– joga
fotokuval
on
oma
pieni
histourii
. Meijän
elaijas
on
äijy
mieldykiinnittäjiä, ga
puaksuh
myö
astummo
siiriči
huomuamattah
luonnon
čomuttu
. Fotokuvih
jiäjäh
net
hetket, kudamii
kaččojat
voijah
ihalmoija, sanou
Juurii
Lumpijev.

Oma
kačahtus
Karjalan
luondoh

Joga
vuottu
Jurii Lumpijevan ozutteluloi
voijah
kaččuo
kui
lapset
da
nuoret
, muga
i
ruavahembat rahvas
. Omii
linduloin
da
meččyelättilöin
fotokuvii
Jurii ozutti
jo
äijis
Karjalan
kohtis
, mugaže
Tihvinäs, Lodienoil da
Moskovas
. Hänen
kuvat
ollah
kai
Kitais
da
Anglies
. Ei
muga
ammui
Anuksen
lapsien
kirjastos
loppi
ruandan
Jurii Lumpijevan Kačahtus
2026 -nimine
ozuttelu
, kudamah
oli
kerätty
kaksikymmen
kaksi
mulloi
luajittuu
fotokuvua
. Joga
linduh
da
meččyzvierih Juriel on
oma
kačahtus
.
– Yhten
kuvan
luadijes
toiči
menöy
ylen
äijy
aigua
, sanou
Jurii.
Toiči
čuassuloin
luguh
pidäy
istuo
peitos
da
vuottua
. Jygiembi
kaikkii
on
fotokuvata
pienii
da
ketterii
linduzii. Ga
ei
ole
kebjei
tavata
kamerah suuriigi. Net
ollah
varačut
da
ei
laskieta
lähäl
nikedä
. Voi
olla
kerras
hyvä
fotokuva
rodieu
, a
voibi
kaksikymmen
kerdua
fotokuvata
, ga
vai
yksi
fotokartočku pädöy
.
– Minä
olen
hyväs
mieles
, gu
meijän
Anuksen
kirjastolois
kui
lapset
muga
i
vahnembat
voijah
kaččuo
Jurii Lumpijevan fotoruadoloi. Jurien ozuttelut
lähendetäh
meidy
luondoh
da
opastetah
suvaimah linduloi
da
meččyelättilöi
. Kaččojes
nämmii
fotokuvii
myögi muutummo
parembah
puoleh
. Juurien
ozuttelut
ollah
hyvät
da
mieldykiinnittäjät. Se
on
ylen
suuri
da
jygei
ruado
, kuduah
pidäy
äijy
aigua
, tirpandua
da
vägie
, sanou
Anuksen
kanzallizen
kirjaston
Kodialovehen
literatuuran
ozaston
johtai
Galina Fedulova.

Mieldykiinnittäi
ga
toiči
varattavugi ruado
Pellole
libo
meččäh
kuvuamah
mennes pidäy
olla
valmis
, gu
vastah
voibi
tulla
mittuinetah varattavu
meččyelätti
. Jurii Lumpijev sen
hyvin
tiedäy
.
– Oli
moine
šeikku
minun
elaijas
: kerran
minä
vastain
kaksi
hukkua
. Se
oli
sulakuus
. Keviäl
Anuksen
pellot
ollah
tävvet
kaikenjyttymiä
linduu
. Tavan
mugah
minä
otin
kameran da
ajoin
sinne
fotokuvuamah
sorzii
da
hanhiloi
. Jätin
mašinan
, peityin
tuhjoižikkoh da
rubein
valvattamah
. Linnut
ruvettih
heittymäh
pellole
, minä
rubein
fotokuvuamah
niilöi
. Kodvazen
mendyy
minä
huomain
, gu
mittuinelienne
zvieri
lähenöy
minuu
. Duumaičin
, se
koiru
on
. Sit
huomain
toizengi zvierin
. Konzu
net
tuldih
lähembä
minuu
, tostimmos
, gu
net
ollah
hukat
. Hukat
minuu
ei
nähty
eigo voidu
vainuta
. Konzu
meččyzvierit oldih
jo
lähäl
, minä
nouzin
, viheldäldin, painoin
fotokameran knopkan
da
luajin
kuvan
hukkienke. Hukat
sen
nähtyy kerras
juostih
pagoh
täytty
käbäliä
, mustelou
Jurii Lumpijev.

Linduloi
suvaičen
kuvata

Jurii Lumpijev ylen
äijäl
suvaiččou
kuvata
linduloi
. Kai
hänen
fotokuvat
ollah
luajittu
omas
Anuksen
piiris
: Luadogal
, mečäs
, pellol
libo
puustos
. Hyvin
tundiettuloin linduloin
: sorzien
, kajoloin
, tikoin
da
varoloin
rinnal
Jurii Lumpijevan fotokuvis
voibi
nähtä
harvinaziigi linduloi
: merikotkua, sinisuohaukkua, koskeluo
. Kui
sanou
fototaidoilii, kuvuamizeh
pidäy
olla
joudavua
aigua
, hyvä
kameru da
himo
. Kačahtus
2026-ozuttelun aigah
sai
livailla
Meijän
muan
linnut
-fotoal’bomuagi, kunne
Jurii Lumpijev pani
eri
vuozinnu
kuvattuloi linduloi
, ies
mainittuloigi. Karjalas
on
äijy
linduu
, i
Juriel himoittau
kai
net
kuvata
. Joga
fotokuvas
Jurii Lumpijev voi
sanella
hätken
. Školaniekat suvaijah
hänen
paginoi
, hyväl
mielel
kuunnellah
daigi äijän
kyzytäh
. Luadimah
fotokuvii
Jurii Lumpijev harjaittau
omua
Maksim-bunukkastugi, kudai
opastuu
kolmandes
kluasas
. Maksim died’oin
jyttyöh
suvaiččou
fotokuvata
da
uskommo
, gu
terväh
anukselazet
suajah
nähtä
hänengi foto-ozutteluu.