Texts
Return to list | edit | delete | Create a new | Statistics | ? Help
Darja Hil’. “Periodika”-painištos kirjutadihe etnodiktant
Darja Hil’
“Periodika”-painištos kirjutadihe etnodiktant
Veps
New written Veps
Nece
azjtego oli omištadud Rahvahidenkeskeižele kodikelen päiväle (21. uhokud ), i sikš ristitud kirjutiba Ühthižvenälaižen etnodiktantan Venäman Pohjoižen , Sibirin i Edahaižen Päivnouzman vähäluguižiden rahvahiden kelil .Täl vodel etnodiktantan tem oli "Minun kodima ".
Tekstaks oli ottud Nikolai Abramovan "Veden al " -starin , sen lugi än’heze Nadežda Petrova , Suomalaiž-ugrilaižen školan vepsän kelen opendai .
– Etnodiktantan pätegend ei ole tarkištelda ristituiden kirjmahtod : sen abul tahtoidas kingitada homaičust Venäman rahvahiden keliden čomudehe da kal’hudehe , mel’dütoitta mehid opendamha da oppimaha nenid kelid , – sanutas ministerstvas .
Ühtneda etnodiktantaha voi kaikutte Venäman eläi .Ühtnend ei rippund ristituiden igäspäi , uskondaspäi , opendusespäi , rahvahudespäi i kel’mahtoišpäi .
16. uhokud etnodiktant keskvepsän paginal kirjutadihe Piteriš (tekstaks oli ottud "Mez’ da kondi " -sarnan Nikolai Abramovan versii ), a 17. uhokud etnodiktant mäni Kujas (kirjutadihe Nikolai Abramovan "Veden al " -starinan tekst ).
“Periodika”-painištos kirjutadihe etnodiktant
Veps
New written Veps