Texts
Return to list | edit | delete | Create a new | Statistics | ? Help
Minä olen Kinermäelpäi
Minä olen Kinermäelpäi
Livvi
Vedlozero
Minä
olen Kinermäelpäi .Minä nygöi sanon : mittuine myö oliimmo vägevyt .Myö yhten kerran lähtiimmö maman kel uvvekse vuvvekse Kinelahtal .Sie eli minun t'outa .A enne ved' avtobusat käydih ylen puaksuh .Huondeksel Kinelahtah vaste ajov avtobussu i uvvessahgi tulou Petroskoil’ .I illav , i huondeksel sinne käydih avtobussat .Myö illav , mama syötti žiivatat , löimän lypsi , lambahat syötiimmö i lähtiimmö illav Kinelahtal , Kinilahtel .A siepäi hän sanoi minul , tulemmo huondeksev .Huondeksev gu lähtiimmö myö avtobussah , avtobussu jo matkai uvvessah , myö sie oli , jäimmö .Mama kerras sanou : Nygöi lähtiemmö jallai kodih .A oli kaksikymen nelli kilometrii pidi astuo .A Man'a-t'outa sanou : Dak jiägiä illuassah , illav ajatto kodih .– Emmo , emmo pidäy lähtie nygöi : lypsie lehmie kembo rodieu , eulo siegi Kinermäel nikiedä . I myö maman kel lähtiimmö jallai .A pakkaine oli moine , vilu !I myö kaiken dorogan astuimmo jallai .Euluh ni yhty mašinua , hot' bi yksi mašin aijas .Kodih tuliimmo , löhmy möngyy .Hän jo kuččuu : pidäy lypsie .I vot moine meile se oli uvven vuvven .Se oli nygöi jo nellikymmen nelli vuottu tägäperii , minuu sit oli kaksitostu vuottu .Vot miituiman oli , miituine meile kauppu .
Minä olen Kinermäelpäi
Livvi
Vedlozero