Error:
Недостаточно прав на выполнение этой операции
Texts
Return to list | edit | delete | Create a new | Statistics | ? Help
Ol’ga Dubitskaja. ”Oh, Karjala da sie on čoma neičyt, kudritukkaine, sinisilmäine…”
Ol’ga Dubitskaja
”Oh, Karjala da sie on čoma neičyt, kudritukkaine, sinisilmäine…”
Livvi
New written Livvic
Muga
pajatetah erähäs karjalazes pajos .Ga tottu sanotahgi , on Karjalas moine neičyt , häi on vepsäläine .Äijät , onnuako , tundietah händy .Tämä kudritukkaine neidine on Aleksandra Aniskina , Karjalan tazavallan Kanzallizen teatran akt’ouru .
Karjieran algu
Aleksandra Aniskina ruadau Kanzallizes teatras jo piäl seiččie vuottu .Teatrah häi puutui petties .Vuvvennu 2006 Sandra opastui Suomes opistos da juuri keskivuvvel tiijusti , ku Kul’tuurukolledžah otetah opastumah nuordu Kanzallizeh teatrah niškoi .Täh kursah sai puuttuo vai se , ken kuda-kui vähäzen maltas suomekse .Suomes olles , Sandra parendi omua suomen kielen neruo da piäzi Kul’tuurukolledžah .Kolledžas opastujes , Aleksandrale puutui kävvä opastusharjaitteluh Suomeh .
Kolledžas Aleksandra Aniskina opastui yhtes Andrei Gorškovan , Nikita Anisimovan , L’udmila Isakovan da toizien Kanzallizen teatran akt’ouroinke .Heijän diplomuspektaklinnu oli "Hädä hellän syväimen periä ", kuduadu ozutetah nygöigi .
Pidäy sanuo , ku lapsennu olles , Sandral nivouse ei himoitannuh olla akt’ourannu , se tapahtui petties .
Ruado teatras
Teatras ruadajes , Aleksandra äijän ajelou ozuttelumatkoih Ven’ua da Suomie pitkin .Sandran sanoin mugah , Joškar-Ola on hyvä da rahmannoi linnu , marilazienke on mieleh pidiä yhtevytty .Ei muga ammui Aleksandra yhtes kolliegoinke oldih Mari Elas Majatuli-festivualis , kuduas Kondien poigu -spektakli sai Paras akt’ourukundu-palkindon .
Kui jogahizel ristikanzal , Sandral ollah lembispektaklit .Niilöin joukos on Oleg Lipovetskoin spektakli "Varavohädä ", "Kahdestostu yö " da Sinizen taivahan pajot -spektakli .Akt’ouroin puoles neidine enämbäl suvaiččou "Kondien poigu ", "Segasotku ", "Älä jätä minuu ", "Oskar da rouzan naine " da spektakli .
Monipuoline ristikanzu
Paiči teatrua , Aleksandra Aniskina ruadau vie Kul’tuurukolledžas , sie häi opastau ozuttajan neron perustehii niilöil opastujile , kuduat tahtotah olla pruazniekoin juondajinnu .
Paiči sidä Sandran iändy suau kuulta Russkoje radio-stansiel .Neidine ruadau ruadivol jo läs kymmendy vuottu .Enne sidä häi ruadoi Karjalan ruadivos da Junost’-ruadivostansiel .
Joudaval aigua Sandra vedäy eriluaduzii pruazniekkoi da pidoloi .Neidine vedi moizii suurii pidoloi , kui linnan päivy , tazavallan päivy , Olimpiuadantulen estafiettu , Ruočin kul’tuuran päivät da toizii .
Kiinnostukset
Sandral on omat kiinnostukset .Häi suvaiččou matkustella , ga neidizen lembipaikat ollah ei muga loitton .Aleksandra suvaiččou kävvä Piiterih , a parahannu kohtannu Karjalas häi pidäy Šoutjärven randua .Neidizen sanoin mugah , tämän järven randu on tiedovokohtu .
Vepsäläzennu olles , Sandra opastuu vepsän kieldy , häi tahtou maltua omien ezi-ižien kieldy .Peitoči neidine sanoi minule , häi tahtou , ku Kanzallizes teatras luajittas spektakli vepsän kielel .
Paiči sidä Aleksandra suvaiččou histouriedu da hänen suvaittavin histourien personuažu on kuningatar Jekaterina II Suuri .Neidine muga suvaiččou tädä personuažua , ku ombeli ičelleh hänen ruutat .Sanotah kai , ku Sandra rožači da rungači on Jekaterinahpäi da ku häi on paras Jekaterinan roulis Petroskois .
Aleksandral ei ole joudavua aigua nivouse , da häi yksikai sanou , ku akt’ouran ruado on hänen 100-protsentahizesti da häi ei tahto vaihtua ruadoalua .
Sandra hyväl mielel kuččuu kaikii Kanzallizen teatran spektakliloi kaččomah .
Aleksandra Aniskinan roulit :
– "Hädä hellän syväimen periä " (2009) – Darja Sem’onovna
– "Turandot " (2010) – Viizas
– "Ruma El’za " (2010) – Irma
– "Sinizen taivahan pajot " (2010) – Kyläläine tyttö
– "Muuri mukkelii " (2011) – Čoma naine
– "Emähukku " (2011) – Emähukku
– "Proššaičus heinykuus " (2011) – Komsorgu
– "Vägivallan liäkäri " (2011) – Voimatoi
– "Hodari " (2012) – Miitrein Matr’oi
– "Verenkarvaine kukkaine " (2012) – Meren hengi
– "Lumičuudo " (2012) – Čuudo
– "Kameo " (2013) – Aleksandra Aniskina
– "Lukomorjen rinnal " (2013) – Bajuška-kaži
– "Šeikkailuloi Kuuzet mägyöl-mečäs " (2014) – Fru Martina -buabo
– "Segasotku " (2014) – Julia
– "Piter Pen " (2014) – Lapsut , Vedehine
– "Kodi " (2015) – Emändy , Syöjätär
– "Venetsien kaksozet " (2015) – Kolombina
– "Lembi " (2015) – Naine
– "Konzu ollah tunnot… " (2016) – Annu
– "Tiedovoičuskeppi " (2016) – Varoi .
”Oh, Karjala da sie on čoma neičyt, kudritukkaine, sinisilmäine…”
Livvi
New written Livvic
– "
– "
– "
– "
– "
– "
– "
– "
– "
– "
– "
– "
– "
– "
– "
– "
– "
– "
– "
– "
– "
Dubitskaya, Olga
«Ах, Карелия и здесь красивая девушка, кудрявая, синеглазая»
Russian
– "
– "
– "
– "
– "
– "
– "
– "
– "
– "
– "
– "
– "
– "
– "
– "
– "
– "
– "
– "
– "