Texts
Return to list | edit | delete | Create a new | Statistics | ? Help
Remšujeva Santra . Vaštahakani akka
Remšujeva Santra
Vaštahakani akka
Karelian Proper
New written karelian
Oli
še vielä starina vaštahakasešta akašta .Kun ilmasen ikäh vaštahakani oli ukkoh keralla ta ei ni konšana ukon šanalla antan .Ei .Aina omallah .Hoš mitä ukko šanois , ni hiän toisin ruatau aina .
Ni lähetäh šiitä heinällä .Lähetäh heinällä .Šiitä hyvin pahašta purošta on poikki šilta – kakši puuta rinnakkah .Ni ukko šanou šillä akallah , jotta :
– Elä tallua šillä oikien kiän puolimmaisella puulla , še on laho ta mänet jokeh .
– Talluan tai talluan ! akka šanou .
Ta kun tallai ta šinne jokeh ni utkahti männä .
No .Ni ne vielä riijeltih jo šinne männeššä .Kun oli pahakši niitetty nirmi , ni še ukko šanou :
– Vain kun pahakši niitetty nurmi .
Ni akka šanou jotta :
– Keritty .Keritty še on .
Ukko šanou jotta :
– Ka niitetty še on , ka pahakši on niitetty .
Akka jotta :
– Ka keritty še on , eikä niitetty !Keritty .
Ni šinne järveh kun mäni , ni vielä näin nošteli šormijah , jotta keriččimillä še on , ei ole niitetty , kun keriččimillä .
Šinne šiitä hukku .Ni ukko läksi ylähäkše päin virran matkua eččimäh akkuah .Haruau šieltä .Min šeipähän kera šieltä muka kuot’t’elou joven pohjašta .
Ni šanotah , jotta :
– Mitä šie ukko tiälä ečittelet ?Mitä šie tiälä kulet ?
– Ka akka kun hukku tuoho šillalla , ni šitä .
– Ka totta šen nyt akan alaš virtua kantau vesi , šanotah rahvaš , – eikä ylöš päin !
– Še oli niin pahavirkani ta niin omallah ottaja , jotta ylöš virtua šen ni vesi viey , ei še alaš virtua mäne .
Tämä niise Matti-ukon .Še kun piti akoillah kurin , ni še tiesi i starinoja šemmosie šanuo .
Vaštahakani akka
Karelian Proper
New written karelian
–
–
–
–
–
–