Тексты
Вернуться к списку | редактировать | удалить | Создать новый | Статистика | ? Помощь
Пехконен Маргарита. Tullikoirat vaššatah huumehien leviemistä
Пехконен Маргарита
Tullikoirat vaššatah huumehien leviemistä
карельский: собственно карельское наречие
Новописьменный севернокарельский
Tämän
vuuvven enšimmäisellä vuosinellännekšellä karjalaiset tullikoirat on löyvetty vähän yli viisi kiluo huumeh - ta psihotroppisie ainehie .
Kulujan vuuvven enšimmäisellä vuosinellännekšellä karjalaiset tullikoirat löyvettih huumeh - ta psihotroppisie ainehie 38 kertua .Ne on löyvetty vähän yli viisi kiluo huumehie .
– Tämän vuuvven enšimmäisellä vuosinellännekšellä löytöjen miärä on ollun šama kuin viime vuuvven vaštuajana aikana , Karjalan tullin kinologiošaston piällikkö Roman Fedotov kertou .
Fedotovin mukah tavallisešti huumehie löyvetäh yhteistyöššä Karjalan lajinvalvontaviranomasien kera .
Huumehien lisäkši koirat ošatah eččie ašeita , räjähyšainehie , tupakkie ta rahua .
– Meilä on koirie , kumpaset erikoissutah vain huumehien ečintäh . On koirie , kumpaset ečitäh šekä huumehainehie jotta tupakkie .Šemmosie koirie on viisi .Yksi koira eččiy huumehie ta rahua .Vielä yhtä koirua käytetäh ašeijen ta räjähyšainehien ečinnäššä , Fedotov luvettelou .
Lisäkši Karjalan tullin kinologit koirineh käyväh työmatoilla Pskovissa , Piiterissä ta Leningradin alovehella .
– Viime vuotena karjalaiset asientuntijat käytih 10 työmatalla . Karjalaiset koirat löyvettih šilloin huumehie , tupakkie , rahua ta äšen ašeita .Kiellettyjä ainehie ta esinehie ne pal’l’aššettih 22 kertua .Še on hyvä tuloš , Fedotov arvošti .
Karjalan tullissa ruatau 17 kinologie .Heitä auttau 15 koirua .
– Kaikki koirat pietäh koissa koko elämäh aikana . Kinologi kouluttau koirua pentuijäštä alkuan ta äšen työurah jälkeh koira eläy omistajah kera .
Tullikoiran työura keštäy keškimiärin kahekšan vuotta .
– Ikä ei ole tärkein asie koiran uran pivukšen kannalta . Komiisi tarkaštau vuosittain eläimen työn tulokšie .Šamoin tervehyštarkaššuš on pakollista .Još koira on terveh ta tuou hyvie työtulokšie , še voipi jatkua tullikoirana ijäštä riippumatta , Fedotov šelittäy .
Esimerkkinä on Karjalan tullin kinologiošašton piällikön koira Zara , kumpani on täh aikah Karjalan tullin vanhin .
– Še on jo yli 10-vuotini eli ihmisvuosina noin 70-vuotini . Ijäštä huolimatta Zara näyttäy hyvie työtulokšie .Uran aikana še pal’l’ašti huumehie yli 300 kertua .Še löysi yhteh 41,5 kiluo huumehta psikotroppisie ainehie .Kerran še löysi 18,5 kiluo amfetamiinie , kinologi kertou .
Zara on rovultah labradorinnoutaja , ka ečinnäššä Karjalan tullin kinologija autetah erirotuset koirat .
– Ošaštošša on 13 labradorinnoutajua , yksi venäjänspanieli ta yksi karkiekarvani šakšanšeisoja . Šakšanpaimenkoirie meilä ei ole , šentäh kun monet ihmiset varatah näitä koirie .Labradorit ollah ulkonävöltäh yštävällisie , Fedotov šelittäy .
– Lisäkši labradorinnoutajan nenä on šakšanpaimenkoiran nenyä herkempi . Šakšanpaimenkoiralla on noin 190 000 hajureseptorišoluo nelijöšenttie kohti .Labradorinnoutajalla niitä on noin 240 000 nelijöšenttie kohti , hiän jatkau .
Täh aikah Karjalan tullie varoin koulutetah lisyä koirie .Arvelujen mukah tämän vuuvven loppuh šuaten kinologiošašton joka asientuntija ruatau koiran parissa .
– Kakši koirua on nyt koulutukšešša . Palvelukšeh šopiu koira , kumpasen ikä vaihtelou 9 kuukauvešta 2,5 vuoteh .Koiran koulutuš keštäy 2,5–3 kuukautta , kinologi šanou .
Venäjällä on kolme keškušta , kumpasešša koulutetah tullikoirie .Ne šijotutah Moskovašša , Samaran alovehella ta Adigejašša .
Opaštumini kinologiksi on mahollista Karjalaššaki .
– Petroskoin yliopistošša on kotieläinopin opaššušlinja , kumpasen opaštujat šuahah muun muašša koiranasientuntijan ammatti , Fedotov kertou .
Jotta piäššä tällä opaššušlinjalla ilmottajan pitäy šuorittua venäjän kielen ta biologijan šekä himijan tahi matematiikan tuntkinnot .Opaššuš keštäy 4,5 vuotta .
Kinologijan opaššušlinja on niise Sortavalan opistošša .
– Linjalla voipi ilmottautuo peruškoulun jälkeh . Ilmottajan on šuoritettava testi , kumpaseh kuuluu 25 kinologijan peruštehie koškijua kyšymyštä .Tentti keštäy 45 minuuttie , opisto tiijotti kotišivuillah .
Tänä opaššušvuotena linjalla on 25 ilmaista paikkua .Vielä viisi ihmistä voipi opaštuo makšušta .Opaššuš keštäy kakši vuotta ta 10 kuukautta .
Tullikoirat vaššatah huumehien leviemistä
карельский: собственно карельское наречие
Новописьменный севернокарельский