Тексты
Вернуться к списку | редактировать | удалить | Создать новый | Статистика | ? Помощь
Popova Irina . “Kalarand”–praznik kerazi sebranikoid
Popova Irina
“Kalarand”–praznik kerazi sebranikoid
вепсский
Младописьменный вепсский
Keza
Karjalas jäb muštho ei vaiše vauktoil öil , no čomil vepsän kul’turan praznikoil-ki .Kezakus vanhas Šoutjärv’-posadas mäni udessündutadud "Elonpu "-praznik .A 4. heinkud praznikoiden estafetan oti susedposad – Kalag’ ."Kalarand "-etnoparkas tradicijan mödhe mäni čoma ühtennimine vepsän kul’turan praznik . Täl vodel praznik vedetihe jo ühesanden kerdan .
Änižen rand oli täuttud pajoil , ilol da todesižen lemen čomil hajuil .Tänna tuliba adivod Petroskoišpäi i susedkülišpäi , miše čukloutas vepsän kul’turan da avoinsüdäimeližen adivoičetusen il’mištoho .
Praznik zavodihe ei muzikalpäi , a istorijan eläbal änelpäi .Adivoihe tuli Vepsän rahvahan hor – unikaližiden pajoiden kaičii , miččele täl vodel täudub 90 vot .Sen pajod sid’-žo andoiba hüväd mel’t kogonaižeks päiväks .
Lämid tervhensanoid sanuiba Karjalan Parlamentan varapämez’ Ol’ga Šmajenik , Änižröunan administracijan pämez’ Grigorii Šemet , Kalagen eländtahon pämez’ Mihail Pol’akov .Karjalan rahvahaližen da regionaližen politikan ministr Sergei Kisel’ov andoi Mihail Pol’akovale "Panendas Karjalan valdkundan kehitoitusehe "-znaman .Mugažo kitändkirjeižid anttihe aktivižile külän eläjile , kudambad abutiba tehta necen čoman praznikan .
Lapsiden täht Karjalan rahvahan "Čičiliušku "-teatr ozuti "Katin starin " -teatrozutusen .A etnoparkan pälaval eziniba erazvuiččed fol’klorkollektivad : "Pihläine "- da "Randaine "-vepsläižed pajoansambl’ad , "Pitarici "-venälaižen pajon hor , "Oma pajo " -Karjalaine rahvahaline hor da toižed .Praznikan adivod voiba ühtneda tradicionaližihe karguihe da vändoihe "Karjala "-fol’klorkollektivanke .Kacujad aplodiruiba , pajatiba tutabid pajoid da openziba uzid karglikundoid ani pälavanno .
Mönd - da käzitörividen keskes voi löuta da ostta sidä , mi linneb lämän mušton Kalages mänetadud päivän polhe .Kaikutte tahtnik voi tehta küzundoid mastarile da eskai tehta muštlahjoid ičeze käzil , paštta kalitoid .Vepsän kelen navedijad kodviba ičeze tedoid da ozaižiba sanoid vepsän kelel .Praznikan päadivsömän oli magukaz savun hajunke lem’ , mitte oli keittud katl’as pažagal .
Praznik mäni lujas veslas , kaik oliba hüviš meliš .Lopus praznikan vedäi , Karjalan Rahvahaližen teatran artist Aleksandra Aniskina , sanui :
– "Kalarand " kerazi kaikid , ken tahtoi čukloutas praznikan il’mištoho i kosketada muzikan , kargun da rahvahaližen veroiden noidust .Muga tuli lophu vepsläine "Kalarand " -praznik – se jäti necen noiduden palan ühtnikoiden südäimihe pit’käks igäks .
“Kalarand”–praznik kerazi sebranikoid
вепсский
Младописьменный вепсский
– "