Тексты
Вернуться к списку | редактировать | удалить | Создать новый | Статистика | ? Помощь
Nuožarveh suadih uuttu muzeivehkehty
Nuožarveh suadih uuttu muzeivehkehty
карельский: ливвиковское наречие
Новописьменный ливвиковский
Karjalan
kyläh perindöllizien venehien muzeih suadih uuttu ozutusvehkehty .
Priäžän lohkol Nuožarven kyläs olijah ainavoluaduzeh muzeih "taivahan al " suadih kaksi uuttu ozutusvehkehty , kuduat löyttih Kuudaman kyläs : vahnanaigaine kuutti , kuduan löyttih paikallizet lapset , da venehen emäpuu , kuduan muzeih lahjoitti eräs mies .
Muzein alguhpanii Vladimir Neronov on ihastuksis :
– Se oli tottu hyvä päivy .Se on tovelline kummu , konzu moizet kallehet vehkehet puututah muzeih .Kiitän kaikkii , ket oldih eččoruadolois , ket autettih ehättiä niilöi vehkehii da muite kannatettih hyväl sanal .
Ku kuuttii voidas nähtä tuliet sugupolvet , se pidäy konserviiruija .Enzimäi vahnu kuutti pannah vedeh , talvel se kylläl kylmäy – se on vältämätöi ehto , ku puudu ei rikkos jällespäi päivypasto .Vahnua emäpuudu muzeih tulluot voijah nähtä jo lähi aigua .
Nuožarven muzei on erinomaine kohtu .Se nostettih nuagloittah da avattih kezäl vuvvennu 2025 Melliččy-fondan kannatuksel da paikallizien abuniekoin hyvyös .Nygöi muzeis voibi nähtä perindöllizii ennevahnazii karjalazii hongoloi da Petroskoin valdivonyliopiston opastujien Pedri-kuningahan aigahizien piirustuksien mugah luajittuu venehty .Täh muzein tullah net , ket arvostetah histouriedu da oman rannan neroniekoin maltuo .
Nuožarveh suadih uuttu muzeivehkehty
карельский: ливвиковское наречие
Новописьменный ливвиковский
–