Тексты
Вернуться к списку | редактировать | удалить | Создать новый | Статистика | ? Помощь
Natalja Antonova. Kazanskoi keräi Ruokosken kohtil
Natalja Antonova
Kazanskoi keräi Ruokosken kohtil
карельский: ливвиковское наречие
Новописьменный ливвиковский
Videlen
jovel hävinnyzih Ruokoskeh da sen lähikylih rodivunnuot kerävyttih yhteh Kazanskoin Jumaldoman piän 21. heinykuudu vihmusiäl .Tyhjennyzien kohtien jälgeläzet kumardettihes omale muale , musteltih kylien elaigua mennyön vuozisuan aigah , paistih omii vahnembii da perehii , ečittih kodiloin tiloi .
Muga sanottuu karjalazien keskes "Kazanskoidu " piettih Ruokoskes da lähäzes Kudžoi-kyläzes kaksi kerdua vuvves – 21. heinykuudu da 4. kylmykuudu .
Kolme polvie Ruokosken jälgelästy tuli ezi-ižien muale Koivuselläl , Kinälahtel , Vieljärvel , Priäžäs da Murmanskaspäi .Ket tuldih mašinal Koivusellän juamas , ket venehil Kinärvie da Videlen jogie myöte .Kaikis nuorin jälgeläine Marina Kirillova opastuu Anglies biologakse , hänel puutui polgie buaban roindu - da eländykohtah ezmästy kerdua .
Kudžoin kyläh vuvvel 1958 rodivunnuh Tatjana Uljanova (Matin Tan’a ) nygöi eläy Priäžäs .Enne penziele lähtendiä ruadoi školas suomen kielen opastajannu .Häi oli jälgimästy kerdua roindukohtas vuozikymmenii tagaperin , ylen nuorikkazennu .Oman koin seizondukohtua täl käyndykerral häi ei voinnuh löydiä , muga kylä on vezavunnuh da muuttunuh .
– Meijän koilluo pidäy olla suuri kivi . Libo se pieneni , libo mašinat ajeltih dorogan toizes kohtas , meijän kodi jäi alembaite , itkusilmin paheksi häi .Kazanskoidu piettih minun mustamua kui Ruokoskes , mugai Kudžois .Ezmäi huondeksel ruokoskelazet da meijän ajeltih venehil kalmoile Gutkoin suareh , pom’anittih omii .Sit kaikin mendih pruazniekale Ruokoskeh , sie oli časounu .Da vie Šallun da Kapoin rahvas käydih , net kylät täs rinnal oldih .A vie sinä piän kinuo kluubas ozutettih , kaikin käydih kaččomah , lapset dai ruavahat .
Kudžoin randah eräs nuori , Petroskoil eläi mies on luadinuh olendu - da kävelendydukohtat , meinai taluo tänne matkustajii .Ruavot keskustuttih .Muga saneli Koivusellän pos’olkal eläi Nadežda Antonova .Hänen pereh kävväh Kazanskoinnu piän tänne joga keziä .
– Myö emmo ni lähtennys tiäpäi , ku ei ruvettas hävittämäh kyliä . Ezmäi vuvvel 1965 salvattih škola , sit laukku , vägehes tuli lähtie .Ket viettih omat koit Videleh , ket Kinälahtele libo Vieljärvele , a ket tänne jätettih , käyndöil käydih heinarrel da kalah .A 1990-vuozil kylä poltettih .Meččiä viettih kylän kauti suuril mašinoil da šouferit jiäksendeltih yökse Mitin taloih .Vikse , hiildy jätettih päččih libo vie midä muudu .Nygöi ni yhty taloidu ei ole ...
Ajeluksespäi tulduu Ruokosken jälgeläzet hedi azuttih Vkontakte-verkoh sivuston nimel "Ruokosken čuppu ".Sih meinatah kerätä yhteh omat rahvas , ainehistot da viestit .
Kazanskoi keräi Ruokosken kohtil
карельский: ливвиковское наречие
Новописьменный ливвиковский