Тексты
Вернуться к списку | редактировать | удалить | Создать новый | Статистика | ? Помощь
Пехконен Маргарита. Uuvvet starinamaiset henkilöt kučutah Petroskoih
Пехконен Маргарита
Uuvvet starinamaiset henkilöt kučutah Petroskoih
карельский: собственно карельское наречие
Новописьменный севернокарельский
Tänä
kešänä Petroskoi šai veššokšen , kumpani näyttäy uutta starinamaista henkilyö nimeltä Homa-ukko .Rantakavulla šijottuja veššoš muanittelou šekä turistija jotta petroskoilaisie .
Erilaisie henkilöjä
Tänä kešänä Petroskoi šai veššokšen , kumpani näyttäy uutta starinamaista henkilyö nimeltä Homa-ukko .Tutuštukka paremmin henkilön legendah .
– Olen Homa-ukko . Olen karjalaisien starinojen šäilyttäjä .Elän šielä , missä ihmiset kävelläh , jutellah , kačellah päivännoušuja ta laškuja , henkilö kertou ičeštäh .
– Ennein kaikkie tykkyän kuunnella ihmisien starinoja . Miula on šyytä istuo käsi korvalla .Šanotah , jotta tiijän tuhanšie starinoja kalaštajien kertomukšista ta lapšien unelmista rakkahuon tunnuššukših ta šukustarinoih .
Viime vuosina erilaisien starinamaisien henkilöjen veššokšie on ilmeštyn eri puolilla Venäjyä .Homa-ukko ilmešty Petroskoih halušta lahjottua kaupunkilla oman simvolin ta pienen varteiččijan .
– Kaliningradissa on Homlinija , Sortavalan piirikunnan Ruskeala-vuarapuissošša on Marmorikija . Nämä miniveššokšet esitetäh paikallisie pienie starinamaisie kanšoja .Eri kaupunkien ta paikkojen varteiččijie yhistäy rakkahuš omie kotipaikkojah kohti ta halu tuuvva iluo ihmisillä .Täššä šuhtehešša olemma etähisie šukulaisie .
– Pien mahollisena , jotta toičči eri paikkojen varteiččijat keräyvytäh yhteh , ka nyt elän Petroskoissa ta kuuntelen ihmisien starinoja , koroštau Homa .
Homan leikkijä
Starinamaini henkilö muanittelou šekä Petroskoissa kävijie matkuajie jotta kaupunkilaisie .Homa-ukko vuottau vierahie rantakavulla .
– Rantakatu on petroskoilaisien ta Karjalašša kävijien turistien ajanviettopaikka . Täh aikah olen tavannun ihmisie eri puolilta Venäjyä ta niise ulkomailta .Olen nähnyn tuhanšien ihmisien muhahukšie , kertou henkilö .
– Iloššuin niise šiitä , jotta lapšet otetah valokuvie miun kera . Šuan ušein makijaisie , kopeikkoja ta pienie lahjoja heiltä .
Nykyjäh Homa-ukko ottau vierahie vaštah Onegan rantakavulla .Henkilö ei ota pois mahollisutta , jotta ajan kuluttuo šen yštävien ta apulaisien veššokšie ilmeštyy eri puolilla Karjalua .
– En taho ilmeštyö mahollisimman monešša paikašša . On tärkietä , jotta jokahisella uuvvella paikalla ois oma starina .Käyn šielä , missä on kaunehie maisemie , mielenkiintoisie legendoja ta hyvä tunnelma .
– Miula on VK-šivu , kumpasešša kerron rahvahalla kaikista matoistani , Homa-ukko lupuau .
Starinojen ta kaunehien maisemien lisäkši Homa tykkyäy erilaisie leikkijä , erityisešti peittosie .
– Miun ta N’ura-ämmön pienoiskopijoja ilmeštyy vesistöjen rannoilla , kallivoilla , puistoloih ta muih vuottamattomih paikkoih , missä vain tarkimmat ihmiset huomatah ne . Pienoiskopijon löytänyt ihmini šuau šen lahjakši .
– Peittoset on jo järješšetty muutoman kerran . Miušta šiitä tulou perintehellini .Tykkyän kačella , mitein ihmiset ečitäh pienie henkilöjä .Hyö kačotah tarkašti ta pietäh huvie .
Homa-ukko kuččuu täh leikkih petroskoilaisie ta matkuštajie .Lisyä tietuo leikistä löytyy henkilön VK-šivulta .
N’ura-ämmö
Heinäkuušša Petroskoin rantakavulla ilmešty vielä yksi starinamaini henkilö – N’ura-ämmö , Homa-ukon puoliso .Hiän on pohjoismarjojen šäilyttäjä ta piey käsissä marjavakkoja .N’ura on ašetettu Pietarin puissikon kolmannella kävelykujalla , Pietari I :n muistomerkin luona .
Luatijien ajatukšen mukah henkilö simvolisoiččou rakkahutta karjalaiseh luontoh , a kaupunkilaiset ušotah : još koškie vakkua ta toivuo hyvyä omalla talolla , ni šielä varmašti tulou lämpimämpi .
Šanotah , jotta N’ura-ämmö šuattau kerätä ei ainuoštah marjoja , ka iče lyhyttä karjalaista kešyä , jotta šiitä talvella še antais lämpyö čäijyn , varen’n’an ta lämpimien pakinojen kautti .
Uuvvet starinamaiset henkilöt kučutah Petroskoih
карельский: собственно карельское наречие
Новописьменный севернокарельский