Тексты

L’ubov’ Baltazar. Nagramine jatkau elaigua

подкорпус: публицистические тексты

Источник:

Oma mua. № 29, 2026, с. 5

L’ubov’ Baltazar

Nagramine jatkau elaigua

карельский: ливвиковское наречие
Новописьменный ливвиковский

Toiči
astut
karjalan
kyliä
pitkin
, kačot
– istuu
died’oi
, viršii
punou
, alah
päi
kaččou
. Uskot
– gu
ei
kačo
, sit
ei
ni
näi
. Et
tijä, azettuogo vai
siiriči
mennä
. Ga
ižändy
kaiken
nägöy
. Häi
kolahuttau
mintah
, vai
omal
iänel
pöllättäy
muga
kai
hypähtättös
. Sit
rubieu
nagramah
da
nagronke
pagizuttamah
, dai
jo
ei
ole
died’oi
vieras
, jo
on
tuttavu
da
oma
...

Hyväkse
tuttavakse
da
omakse
on
tulluh
karjalan
Kindahan
kylä
tuhanzile
ristikanzoile
yliči
Ven’an
muan
! Sie
jo
kolmaskymmenes
kuvves
kerdu
mennyt
pyhänpiän
piettih
Juumoran
festivuali
, kudai
, minun
mieles
, on
suurin
da
paras
Karjalan
kul’tuuruprojektu. Suurin
sit
mieles
, gu
se
nikonzu
ei
lopu
– entuziastat elavutettih
da
ozutettih
kaikile
karjalazien
ilmanigäzen
juumorutavan. Kindahan
kylä
ei
ole
vai
miellyttävy
aijanvietto puhtahas
čomas
kohtas
, ga
Karjalan
kul’tuuruperindehen elos
pidämine
, lujoittamine da
tunnetukse luadimine
. Kai
se
on
luajittu
Karjalan
piämiehen
grantufondan Sv’ažems’a-projektan da
Melliččy-fondan projektan
avul
.
Muailman
juumorukylien joukos
karjalan
Kindahan
kylän
nimi
on
nygöi
nossuh
korgiele
tazole
. Kylän
eläjät
voijah
olla
ylbiet
, ku
eletäh
täs
kohtas
, ku
on
lövvytty
ristikanzat
, ket
ei
annettu
hävitä
"Kindahan
mužikoil
" da
heijän
lujal
eloksenhimol. Suuri
passibo
Svetlana Hrebtovale da
Julija Tolmač’ovale!
Kogo
kylän
eläjät
autettih
tämän
festivualin
pidämisty
. Jelena Fomina, Tatjana Danilina perehenke
, Valentina Anikina, Klavdija Dmitrijeva, Marina Dmitrijeva, Andrei Pototski, Dmitri Dešin, Nadežda Fokina, Veronika Anikina da
äijät
muut
kyläläzet
abuniekat
piettih
kižoi
, luajittih
čomenduksii
, čomendettih
pihua
, pastettih
šipainiekkua
, keitettih
čuajuu
festivualin
gostile
. Suuri
passibo
Kindahan
kylän
ižändöile da
emändöile!
Kaikil
jo
ammui
onnuako
on
tuttavu
tämä
festivuali
, sen
kummat
da
čuvvot
, sen
lahjat
dai
ilot
. Jo
kerras
huondeksel
eräs
prikaššiekku omii
tavaroi
laijailles virki
– "midä
lienne
tänäpäi
tuuli
tuulou
vastukavai
". Sidä
ruvettih
nagramah
rinnal
olijat
naizet
, ga
ei
hätkie
nagrettu
– tuuli
nostaldi heijän
levon
da
lykkäi
aijas
piäliči
vierahah
ogrodah
. Sit
nagronke
kaikin
hypättih
sidä
siepäi
piästämäh
.
Oligo kižua
, oligo kruugua
, oligo myöjiä
, oligo syöjiä
! Joga
kohtas
tuldih
vastah
kummat
, joga
kohtas
sai
seizuo
suu
avvoi
da
kuunella
, kačella
da
vie
käil
opitella
, kai
naija
sai
narekozin. Sai
ottua
riehtil
da
lykätä
päčinsuuh
piirai
, onhäi kai
vastukavai
täs
kyläs
. Sai
kaččuo
Vägisportan federatsien brihoi
, kenen
käzis
da
hardieloil
jygei
parzi
punaldelih kui
puikkoine! Sai
nagrua
piälailleh
muas
olijua
mužikkua
, kel
on
yksi
jalgu
"v sapoge", toine
"bosikom"! Sai
ostua
kaikkielpäi
tuoduu kuvottuu, tavottuu, ommeltuu tavarua
, kai
valgiet
siivet
sai
ostua
da
panna
net
selgäh
! Eihäi kaikin
kerras
uskottu
kindahalazien tuohizih
siibih
, kudamis
saneltih
lapsien
Šokolad-teatran artistat
.
Se
oli
kaikis
elävin
ezitys
! Lapset
mustoitettih
kaččojile
enimät
"Kindahan
mužikoin
" suarnat
da
nerokkahasti
ozutettih
niidy
. Paras
oli
se
, ku
kai
ezitys
meni
yhtes
"Sattuman" pajonke
. Se
andoi
loittonsah
tulluzil rahvahil
tiediä
– Karjalas
ei
kaikin
paista
ven’akse
, on
vie
rahvastu
, ket
tietäh
karjalan
, vepsän dai
suomen
kielet
.
Juuri
heih
näh
on
Kindahas
oma
Pieni
rahvahalline
teatru
. Pieni
parzis
luajittu
mökkine
, pimiehkö
da
viluine, ga
eihäi hyviä
äijiä
pie
. Eiga
roih
liijakse
hyvä
, kui
nagretah
Kindahan
kyläs
. Ei
nagreta
kieldy
, tiettäväine
, muite
se
on
moine
sanondu
. Täl
kerdua
omii
ezityksii
karjalan
kielel
piettih
Anuksen
Eloksen
ratas
-teatran
artistat
, Priäžän
Paginkluubu da
Alavoizen taigin
. Gostih
näh
kuului
ven’ankielisty
kiännösty
. Mi
olis
hyvä
, ku
kaikis
Karjalas
piettävis kyläpruazniekois löydys
hos
vähäine
tilua
karjalan
kielel
.
Ei
sua
sanella
kaikkie
, tulgua
iče
tulien
vuon
, dorogu
Kindahan
kylässäh
on
luajittu
uuzi
! Tulgua
kaččomah
, mittumat
hyvät
artistat
vietäh
konsertua
, mittumua
älykästy
studentua da
nerokastu
lastu
kazvau
Karjalas
! Tulgah
hyvä
mieli
ainos
heile
abuh
da
maltettahes
hyö
käyttämäh
nagruo
hyväkse
. Jatkauhäi nagramine
elaigua
. Jatkakkah
tämä
Kindahan
kylän
festivuali
karjalan
kielengi igiä
.