Тексты
Вернуться к списку | редактировать | удалить | Создать новый | Статистика | ? Помощь
Nikandrova Anna . Kiitollini jälkipolvi šäilyttäy muistuo
Nikandrova Anna
Kiitollini jälkipolvi šäilyttäy muistuo
карельский: собственно карельское наречие
Новописьменный севернокарельский
Vuonnisen kylän
kešellä Ruokovuaran alla on muistopaikka "Vanha kalmismua ", kunne on hauvattu muailman kulttuurie rikaššuttanuot Vuonnisen kylän entiset eläjät .
Tietojen šäilyttämini
Vanhašša kalmismuašša oli hauvattu muailman kulttuurie rikaššuttanuot Vuonnisen kylän entiset eläjät : runonlaulajat Ontrei Malinen , Vuassila Kieleväinen , Ohvo ta Jyrki Maliset ta heijän monet jälkiläiset .
Ennein Šuurta Isänmuallista šotua tiälä oli kyläkalmismua , tietoja kumpasešta oli šäilytetty Samuli Paulaharjun Šyntymä , lapšuš ta kuoloma : Vienan Karjalan tapoja ta uškomukšie -kirjan šekä Punalippu-kuvaleheššä vuotena 1987 painetun runonlaulaja ta kantelisti Ontrei Malisen pravopunukan Darja Šahtarinan Runokylä Vuonninen -artikkelin anšijošta .
Neuvoštoliiton aikana vanhan kalmismuan paikalla rakennettih klubi ta šotilašošašto .Vuotena 2010 klubi hävisi tulipalošša , a šotilašošaštošta jäi vain raunivoja .Muistopaikka pitälti oli tyhjänä palona , ka kyläläisien šytämissä šäily muisto ihmisistä , kumpaset elettih täššä luonnonkaunehešša šekä omalla istorijalla ta kulttuurilla ainutluatuisešša kyläššä .Hyö muissetah runonlaulajista , kumpaset XIX vuosišualla annettih Elias Lönnrotilla rikašta materialie Kalevala-runoelmua varoin .
Vanhan kalmismuan kunnoštamini
Vuotena 2022 Projekti-idejojen kilpailun rajoissa Alovehellisella yhteiskunnallisella ičehallinnolla lykäisti kunnoštua vanhan kalmismuan paikkua .Nykyjäh šielä on juuri Vuonnisella ominaini hautapylväš , muistolevy , tiijotuštaulu , missä on Vuonnisen iänelläitkijän ta starinankertojan Anni Lehtosen valmistama vanhan kalmismuan kuavakuva .
Muutoma vuosi takaperin Lettijevien pereh ašetti muistorissin muissokši omista heimolaisista , kumpaset oli hauvattu tiälä Vuonnisen kešellä .
Omašša artikkelissah Darja Šahtarina muistelou vanhašta kalmismuašta :
"Vielä ennein Šuurta Isänmuallista šotua Vuonnisen kylän kešellä olijan Ruokovuaran alla kašvo tihie kuušikko .Eryähät kuušet nouštih taivašta kohti monella kymmenellä metrillä , a niijen jäkälät muissutettih vanhukšien partua .Tiälä oliki vanha kalmismua .Nykyjäh šitä kuušikkuo ei ole .Vain juuri täššä kalmismuašša oli hauvattu tunnetut runonlaulajat Ontrei Malinen , Vuassila Kieleväinen , Ohvo ta Jyrki Maliset šekä heijän monet jälkiläiset .Šäilytän toivuo , jotta omalla taijolla tunnetuiksi tulluijen ta muailman kulttuurie rikaššuttanuijen runonlaulajien muissokši ašetetah muistomerkki ".
Muistopylväš on ašetettu
Tänä vuotena Darja Šahtarinan ta Ontrei Malisen jälkiläiset ašetettih hautapylväš , kumpasešša on oprasa ta kyltti .Še on muisto omašta šuurešta kantatuatošta , kumpani vuotena1833 laulo Lönnrotilla parahie runoja ta šoitti hänellä omin käsin luajitulla kantelella .
Ontrei Maliselta Lönnrot kirjutti runot : Vellamo-neiti , Piirut Päiväläššä , Matka Viipusen luo , Kantelen šynty , Laulu Lemminkäiseštä ta toisie .
Muistopylväš on ašetettu šiinä paikašša , missä Anni Lehtosen kuavan mukah onki Mallisen šuvun hautoja .
Tänäpiänä Vanha kalmismua on pieni arhitektuurini kokomuš , mi šäilyttäy muistuo näillä mailla eläjistä ihmisistä , kumpaset luajittih meijän muata tunnetukši .
Vuonnisen eläjät kiitetäh Nadežda Vasiljevua ta hänen šukulaisie istorijallisen ta kulttuurimuisson šäilyttämiseštä meijän kotikylän hyväkši .
Kiitollini jälkipolvi šäilyttäy muistuo
карельский: собственно карельское наречие
Новописьменный севернокарельский
"