Тексты
Вернуться к списку | редактировать | удалить | Создать новый | Статистика | ? Помощь
Nadežda Vasiljeva. Kuuselan perehen briljanttitaival
Nadežda Vasiljeva
Kuuselan perehen briljanttitaival
карельский: собственно карельское наречие
Новописьменный севернокарельский
Kalevalašša
eläy ihmehellini pereh .Še on šopusa , ruataja ta enšin näyttäy huomuamattomalta .Pereh on elän rauhašša ta šovušša jo yli 60 vuotta .
Kakši vuotta takaperin puolisot Berta Ivanovna ta Nikolai Ivanovič Kuusela juhlittih šuuri perehmerkkipäivä – briljanttihiät .A ihan tuanoin talon emäntä Berta Ivanovna otti vaštah onnitteluja 90-vuotisjuhlalla .
Joka kerta , kun tapuat pitälti eläjie ihmisie , rupiet smiettimäh šiitä , mitein keššettyö jykiet šotavuuvvet , nälkyä , kylmyä , rappivuo hyö onnissuttih rakentamah uuvveštah meijän mua , muhahtamah , luomah ta rakaštamah .
Hyö ei vihaššuttu eikä kovettu .
Perehen šyntymini
Bertalla oli viisi vuotta , konša alko Šuuri Isänmuallini šota .Ijän takie hiän melkein ei muissa evakon enšimmäisie vuosie Arhankelin alovehella .Ainut muisselma on ainani nälkä ta aina vaipunut muamo , kumpani ruato mečänhakkuušša .
Hyö myöššyttih kotih vuotena 1946.Mahollisukšien mukah ämmö kunnošti puolihävitetyn šovaniellisen talon .Oli vaikie , ka kotimualla Berta jatko opaššušta koulušša , ruavistu , tuli šuureh elämäh .Koulun jälkeh hiän lopetti lyhyöt kurššit ta tuli yhteyšhenkilökši .
Onnakko vielä koululaisena Berta Ivanovna tykkäsi kirjoja , ta lukomini oli hänen mielehini harraššuš .Šentäh konša hänellä ehotettih ruato Kalevalan kirjakaupašša , hiän epyälömättä šuoštu .Hiän oli kirjojen myöjänä ta kirjallisuon levittäjänä kuni ei jiänyn eläkkehellä .
Vuuvven 1961 erähänä kešänä tanšši-illalla Berta tapasi oman rakkahuon – Nikolain .Pitkäkašvoni , šolakka ta kaunis priha kiinitti paikallisien tyttöjen huomijuo .A hiän valičči Bertan ta tuttavuššutti hänet omih vanhempih .Antilaš miellytti heitä , ta kohta vietettih hiät .
Häissä ei ollun ušeita vierahie eikä kallehie lahjoja .Muistoh jäi tärkie lahja – ruokastola ta kakši jakkarua .Šanakši ne on šäilytty 60 vuuvven piäštä , ta Kuuselan pereh käyttäy niitä .
Parahat apulaiset
Vähitellen Berta ta Nikolai ruvettih järještämäh elämyä .Molommat ruattih ahkerašti .Berta ruato kaupašša , a Nikolai oli kulettajana Uhtuon sovhosissa ta šiitä muanparennušošašša .Hyö pärjättih kaikešša – ruavošša oltih iskurityöläisinä .Šamoin heilä oli apukotitalouš , missä hyö šujuvašti piettih karjua .
– Näin mäni meijän elämä , kertou Berta Ivanovna . – Poika ta tytär kašvettih , touhuja talouvešša riitti . En muissa riitelimmäkö Nikolain kera .Šiih ei riittän aikua .Mieheni tuli luotettavakši tuvekši elämäššä ta piäapulaisekši .Hiän ei vannon miula rakkautta , ka mie tunšin hänen luotettavutta ta huolellisutta joka päivän .
Vuuvven 2026 heinäkuun erähänä päivänä Kuuselan perehen talo uuvveštah täyventy vierahilla .Monet-monituiset yštävät , tuttavat ta lapšet tultih onnittelomah kojikkahan perehpešän emäntyä 90-vuotisjuhlalla .60 vuotta takaperin lahjotettu ruokastola šopi kaikilla , ket tultih puolisojen luokše , a hyvät toivomukšet ta onnelliset muisselmat šinä merkkipäivänä ei piätytty .
Kuuselan perehen briljanttitaival
карельский: собственно карельское наречие
Новописьменный севернокарельский