Тексты
Вернуться к списку | редактировать | удалить | Создать новый | Статистика | ? Помощь
Сидоркин Валерий. Näyttely kertou Kantelešta
Сидоркин Валерий
Näyttely kertou Kantelešta
карельский: собственно карельское наречие
Новописьменный севернокарельский
Retrospektiivini Kantelen
aika -nimini näyttely toimiu Karjalan taitomusejošša .Še on omissettu kanšallisen laulun ta tanššin Kantele-yhtyvehen 90-vuotisjuhlalla .
Enšimmäisen šalin näyttelyesinehet šiirretäh kävijie šen kuulusan kollektiivin šyntymisen vuosih .Esillä on kantelen mallija eri vuosilta , yhtyvehen peruštajan Viktor Gudkovin ta yheššä hänen kera ruatanuijen šäveltäjien Abram Gollandin , Ruvim Pergamentin ta Leopol’d Teplitskin muotokuvie šekä Gudkovin folkloritutkimušmatkojen aikana luajittuja valokuvie .
Šamoin esillä on kollektiivin enšimmäisen horeograffin Vasilii Kononovin luatimien tanššipukujen eskiisijä .
Šeuruavašša šalissa voipi nähä Vasilii Kononovin , šäveltäjän Karl Raution , kantelistien Erik ta Eila Raution ta Maksim Gavrilovin , laulajan Sirkka Rikan muotokuvie , šäveltäjän ta Neuvoštoliiton kanšanartistan Helmer Sinisalon veššoš , runonlaulajan ta musikantin , aunukšelaisen karjalaisen Ivan Lebedevin veššoš .
Lisäkši esillä on yhtyvehen ošallistujien pukujen eskiisijä , kumpasie luajittih šen horeograffi Helmi Malmi , taiteilija Tamara Jufa , Nikolai Ovčinnikov ta Galina Grigorjeva .Šamoin on "Kantelen " ilmotušlehtijä eri vuosilta .
Viimeseššä šalissa esillä on yhtyvehen artistojen näyttämöpukuja ta šoittimie : jouhikko , merkkitorvija , helysin .Niitä valmisti tuanoin tuonilmasih šiirtynyt muasteri Aleksandr Frolov .Šamašša šalissa näytetäh "Kantelella " omissettuja pätkie Neuvošto-Karjala -elokuvakačahukšešta .
Kaikissa šaliloissa on audio-oppahie , kumpasien avulla voipi kuunnella yhtyvehen musiikkie ta lauluja .
– Näyttelyö varoin käyttimä ainehistuo ta esinehie Kantele-yhtyvehen , Karjalan kanšallisen musejon ta kanšallisen arhiivan , Kanšanneron ta kulttuurialottehien keškukšen ta Premjer-elokuvateatterin varaštoloista ta kokomukšista , kerrotah järještäjät .
Halukkahat šuahah čukeltuo Kantele-yhtyvehen ilmapiirih Karjalan tašavallan taitomusejošša 13. šyyškuuta šuaten .
Näyttely kertou Kantelešta
карельский: собственно карельское наречие
Новописьменный севернокарельский