Тексты
Вернуться к списку
| редактировать | удалить | Создать новый
| Статистика
| ? Помощь
Alina Gapejeva.
Valatus Siämärven vezis
Источник:
Oma mua. № 31, 2026, с. 2
Alina Gapejeva
Valatus Siämärven vezis
карельский: ливвиковское наречие
Новописьменный ливвиковский
Ven’an valattamizen mustokse karjalazes kyläs piettih rahvahien valatus.
Karjalan Al’okka-kyläs uskovazet kunnivoittih kniäzi Vladimiran mustuo da Ven’an valattamizen päiviä. Pravoslavnoin uskon 1038-vuozipäivän kunnivokse Priäžän piirin eläjät kerävyttih Siämärven rannale, kus heidy joukolleh valatettih.
– Oli sinä piän rannas valatettuloin omahizii da rodnii, yhtes hyö pandih malittuu. Valatettih sinä piän 14 ristikanzua. Enzimästy kerdua Siämärven vezis valatettih rahvastu vuvvennu 2018, konzu piettih Ven’an valattamizen 1030-vuozipäiviä, kerdoi Jessoilan kirikön pappi Sergei Teplouhov.
Hänen sanoin mugah, konzu ristikanzua valatetah sih luaduh, se jättäy syvän jällen hänele mustoh. Se on tovelline hengelline uvvistamine.
Tämä päivy ei olluh vallittu petties. Juuri 28. heinykuudu kniäzi Vladimir vuvvennu 988 ruttoh da ilmazekse igiä vaihtoi meijän histourien. Tuhanden vuvven mendyy aijoin yhtevys tunduu ylen hyvin, ku rahvas karjalazes kyläs kannatetah da mustetah ennevahnazii perindölöi, kuduat yhtistetäh sugupolviloi.
