Тексты
Вернуться к списку
| редактировать | удалить | Создать новый
| Статистика
| ? Помощь
Aleksandra Lesonen.
Hete esiinty Moskovašša
Источник:
Oma mua. № 32, 2026, с. 2
Aleksandra Lesonen
Hete esiinty Moskovašša
карельский: собственно карельское наречие
Новописьменный севернокарельский
Koštamukšen karjalaini Hete-folklorikollektiivi 13. elokuuta avasi gastronomisen Venäjän makuja -festivalin Moskovašša.
Festivali vietetäh 13.–23. elokuuta VDNH-näyttelykeškukšešša. Šen kentät šijotutah Kivikukka- ta Kanšojen yštävyš -šuhtehien välissä. Festivalissa on esillä parahie ruokie koko muan joka čupušta: on mahollisuš maissella Venäjän kanšojen šyömisie šekä tuttavuštuo alovehellisih gastronomisih perintehih.
Koštamukšelaiset esitettih festivalissa puolen tunnin ohjelma, mih kuulu 13 lauluo. Kuuntelijat otettih artistoja vaštah šuurella kiinnoššukšella. Moskovalaiset ta piäkaupunkin vierahat mäntih kuvah kollektiivin ošallistujien kera ta äšen otettih heiltä nimikirjutukšie.
– Tämä on meijän enšimmäini esityšmatka Moskovašša. Piäkaupunki otti meijät vaštah erinomasešti, šiä oli hyvä ta kollektiivin mieliala oli mainijo. Myö esiintymä vaštuavašti. Mie pitälti valmistauvuin täh matkah: uuvvissin pukuja ta lentto- ja vanhoissa koštoloissa. Passipo Rosmolod’ož: grantit -kilpailulla, min avulla myö šaima uuvvistua omie pukuja. Meilä luotettih avata gastronomini festivali VDNH-näyttelykeškukšešša, missä on esitetty meijän šuuren valtakunnan kaikki alovehet. Miula, nuorella ohjuajalla, še on šuuri kunnivo. Äijän passipuo Koštamukšen piirin hallinnolla matan rahottamisešta ta, tietyšti, kaikilla koštamukšelaisilla, kumpaset meitä kannatetah, korošti kollektiivin ohjuaja Maksim Smirnov.
Šanakši, festivalin avajaispäivänä, 13. elokuuta, Maksim täytti 19 vuotta. Šemmoni šyntymäpäivä varmašti jiäy mieleh koko elämäkši.
