Тексты
Вернуться к списку
| редактировать | удалить | Создать новый
| Статистика
| ? Помощь
Tradicijoiden magu: 50 receptad ühtes kirjas
Источник:
Kodima № 8, 2026, с. 3
Tradicijoiden magu: 50 receptad ühtes kirjas
вепсский
Младописьменный вепсский
Eloho läksi "Karjalan rahvahiden keitändlad"-kirj, mitte om paindud "Karel’skaja kuhn’a i Točka" -projektan abul. Sihe mülüi 50 receptad, erased niišpäi om kätud vepsäks da karjalaks.
"Karel’skaja kuhn’a i Točka" -projekt mäneb lophusai. Voden aigan oli tehtud kümne ekspedicijad Karjalan madme, projektan ühtnikad oleskeliba karjalaižidenno, vepsläižidenno da venälaižidenno. Neciš aigas oli pagištoittud 50 eläjad, oli kirjutadud enamba 120 receptad.
Projektan satuseks tuli "Karjalan rahvahiden keitändlad"- kirj. Sihe mülüi 50 parahint receptad, sömižiden, eläjiden da Karjalan londusen fotokuvid. Erased receptoišpäi om kätud vepsäks da karjalaks.
– Projektan satused jätiba hüvän jäl’gen. Mö tahtoim sada läz 45 receptad, a kirjutim enamba 120. Nece znamoičeb, miše neciš kirjaspäi vaiše zavodiše rad, meles om tehta uzid kirjoid. Uništan jatkta necidä projektad, sikš ku ristituile rajonoiš om melentartušt tehtas ekspedicijoiden ühtnikoikš. I ku ozastub tehta toižen kirjan, nece linneb hüvän satusen, – sanui projektan ohjandai Anna Anhimova.
Kirj om paindud Baltianmeren suomalaižiden rahvahiden ligan "Karel’skaja kuhn’a i Točka" -projektan abul, mitte todenzoittihe eloho Karjalan pämehen grantoiden fondan rahatugel. Tiraž om 500 kirjad. Kiroid jagatas maksuta, niid voib sada prezentacijal, mitte linneb Petroskoiš 8. sügüz’kud.
Mugažo projektan satuseks tuli sirdändfoto-ozuteluz. Nügüd’ se om Juškozero-külän Kul’turpertiš. Jäl’ges se radaškandeb toižiš rajonoiš, miččihe oli tehtud ekspedicijad.
