Тексты
Вернуться к списку
| редактировать | удалить | Создать новый
| Статистика
| ? Помощь
Pieni biznessu kehittyy Karjalas
Источник:
Oma mua. 2026. 02.09 (№ 34). С. 5
Pieni biznessu kehittyy Karjalas
карельский: ливвиковское наречие
Новописьменный ливвиковский
Karjalan "pienen biznesan" laitoksien panos tazavallan ekonoumiekkah on enämbi 25%.
Vuvven 2026 allus algajen pienen biznesan laitokset Kanzallizen tagussistieman avul suadih 3,3 miljardua rubl’ua. Se on 40% enämbi, migu samah aigah mennyt vuon.
– Kannatusvaroin suuruon mugah Karjalan tazavaldu kuuluu Ven’an luodehpuolen viijen enzimäzien alovehien joukkoh – top-5. Viendän da säilytändän alal kazvu on 80%, muokkuandutalovuos — 27%, tiedo-tehniellizel alal – 20%, kerdou Ven’an ekonoumiellizen kehityksen ministran Maksim Rešetnikovan sanoi Karjalan haldivon saitu.
Laitoksien kannatuskeinoloih nähte ministru pagizi paikallizien biznesmiehien kel Karjalan tuottehet -tehnoparkas. Vastavuksen eräs tärgevimii aihieloi oli turizmu.
– Vuvven allus Ven’al eläjien turistumatkoi Karjalah rodih 6% enämbi, vierasmualazien turistoin käyndöin lugu suureni kolmasvuitil. Helpotuslaihinoin avul tänne nostetah nelli hotelii, kudamis rodieu 900 pertii da hiihtokurortua, sanoi Rešetnikov.
Kyzymykseh gost’ukodiloin legalizatsieh nähte vastates ministru mustoitti, ku Ven’al pietäh eksperimentua, kuduah yhtyi 17 muan alovehtu da federualline Sirius-aloveh. Tänä vuon sygyzyl niilöin joukkoh liitytäh Adigeja, Bur’atija, Astrahanin da Nižnii Novgorodan alovehet. Kodiloin omistajat voijah ilmai piästä läbi klassifikatsies gosuslugi-saital.
