Тексты
Вернуться к списку
| редактировать | удалить | Создать новый
| Статистика
| ? Помощь
Bogdanova Natalja.
Kalevalan urhot torattih Sammos
Источник:
Oma mua. 2026. 09.09 (№ 35 (1825)). С. 5
Bogdanova Natalja
Kalevalan urhot torattih Sammos
карельский: ливвиковское наречие
Новописьменный ливвиковский
Suojärvel Karjalan päivän pidoloin hantuzis Suvilahtes piettih Elokuu-festivuali.
Jo tostu kerdua pietyn festivualin piätavoittehennu on livuttua karjalazien kul’tuurua. Tänä vuon festivualis piettih ruadopajua, kuduas soittamah kandelehel opasti Tatjana Trunova. Hänen sanoin mugah kogemus oli aiga hyvä. Čuasun aijas ruadopajah kävyi enämbi 100 hengie.
– Uskommo, ku kandelehel soitandan da karjalazien kul’tuuran suvaiččijua tänäpäi rodih enämbi, sanoi Tatjana.
Festivualin eräs uuzii keksindöi oli stolakiža "Sammon ečos", kuduan pidi Kalevala open -projektan piälikkö Irina Rinkevič. Tämä mieldykiinnittäi kiža on hyvin tuttu petroskoilazile da sen ulgopuolelgi eläjile. Suojärvel sidä nähtih enzi kerdua. Rahvastu festivualis oli äijy, panna heidy kižuamah stolan tuakse oli ygei, ga yhtelläh se stuanivui.
– Festivualin aigah kižaimmo kolme kerdua, kižah yhtyi 20 hengie, meil rodih kolme uuttu voittajua. Yhtes kižas kaikin sih yhtynyöt piettih käzis Sampuo da se äijän kerdua yhten käzis piäzi toizen käzih. Net, ket ei ruohtittu menettiä čuasun aigua kižah, kyzeltih sen siändölöi da mieleh juohtundua. Minul on hyvä mieles, ku vuvvennu 2019 luajittu kiža tännessäh miellyttäy rahvahii, sanoi Irina Rinkevič.
