Тексты
Вернуться к списку
| редактировать | удалить | Создать новый
| Статистика
| ? Помощь
Olgah ruaduo, tulgah pajuo
Источник:
Oma mua. 2026. 16.09 (№ 36 (1826)). С. 3
Olgah ruaduo, tulgah pajuo
карельский: ливвиковское наречие
Новописьменный ливвиковский
Karjalan tazavallan päivy, kudai tänä vuon piettih Suojärvel, algavui linnan keskučas olijas Suvilahti-puustos, kus jo tostu kerdua piettih Elokuu-festivuali.
Jo keskipäiväl tänne tuldih artistat Karjalan eri kolkispäi. Hyväs mieles rahvas kačeltih tädä čomua kohtua. Suvilahti-puisto on luajittu vuvven 2000 alus. Se on suuri da hyvä projektu, mih on pandu 30 miljounua rubl’ua Ven’an Federatsien b’udžietaspäi. Puusto on miellyttävy kohtu, kus linnan eläjät dai gos’tat voijah huogavuo joga päiviä dai pidiä pruazniekkoi. Keskel on pyörižy da pieni, ga kaikkielpäi nägyi lava.
Elokuu-festivualin tänä vuon avai Garmonija- pajojoukko Jessoilaspäi. Tämä pajojoukko on olemas jo 14 vuottu, naizet pajatetah estruadu- dai omii pajoloi. Sidä johtau Ol’ga Jevsejeva. Garmonija on kaikkien Jessoilan, oman piirin dai kogo Karjalan pruazniekoin dai kul’tuurutapahtumien keskes. Hyvien iänien da čomien pajoloin periä Garmonija-pajojoukko on suannuh äijän palkinduo, se on monien festivualiloin laureattu dai kilvoin voittai.
Tulgah kaikil Karjalan eläjil äijy uuttu ruaduo dai pajuo, olgah luja tervehys, elos rauhažu da ilokas.
