Тексты
Вернуться к списку
| редактировать | удалить | Создать новый
| Статистика
| ? Помощь
Aleksandra Lesonen.
Karjalan kieli lapšilla
Источник:
Oma mua. 2026. 23.09 (№ 37 (1827)). С. 6
Aleksandra Lesonen
Karjalan kieli lapšilla
карельский: собственно карельское наречие
Новописьменный севернокарельский
Koštamukšešša startattih oppitunnit Ihmehellini karjalan kieli -kerhošša. Lapset ruvetah ilmasešti opaštumah varšinais-karjalan murrehta Opaššukšen ulkopuolisen ruavon keškukšen tiloissa.
Kerhon opaštaja on Anna Nikandrova. Anna on šyntyn Vuonnisen kyläššä. Hiän on šyntyn karjalaiseh pereheh, kuuli karjalan kieltä šynnynnäštä ta opaštu šitä yliopistošša. Anna ruatau alkuluokkien opaštajana Koštamukšen gimnasijašša. Hiän ičen piätti opaštua karjalua lapšilla vapuana aikana. Kerho alko toimie vielä viime vuotena.
– Oppituntien ohjelma keštäy oraškuun loppuh šuaten. Lapšet ruvetah opaštumah kahešša ryhmäššä: alakoululaiset ta keškikoululaiset. Šiinä aikakauvešša heijän pitäy opaštuo peruššanaštuo. Lapšet tutuššutah eri aiheih: pereh, luonto, eläimet, koulu. Oppituntiloissa lapšet tutuššutah perintehellisih karjalaisih tanššiloih, pelilöih, laululoih. Vuuvven lopušša ryhmä käypi Vuokkiniemeššä, jotta näha omin šilmin ta tuntie karjalaista kulttuurie. Oppitunnit männäh yhteyveššä kaupunkin kulttuurišeurojen kera, kertou Anna Nikandrova.
Enšimmäiseššä tunnissa 11. šyyškuuta uuvvet lapšet jo opaššuttih muutoma karjalaini virkeh ta vereššettih omie tietoja. Enšimmäiseššä tunnissa Anna Nikandrovua autettih Viena-šeuran ošallistuja L’udmila Tihonova ta Arhippa Perttusen šiätijön johtaja Marija Mitina.
