Тексты
Вернуться к списку
| редактировать | удалить | Создать новый
| Статистика
| ? Помощь
Brendojev Vladimir.
Astun, vai kaššali räigäy...
Brendojev Vladimir
Astun, vai kaššali räigäy...
карельский: ливвиковское наречие
Новописьменный ливвиковский
Astun, vai kaššali räigäy,
sygyzy lämmin da poudu,
tapahtui kodvaine joudau,
mustelen mennytty aigua.
Oli se vaste vai mulloi,
estätiin mečäs päi siendy,
koivikko šuhiži, iändi,
keilahui, läipetti kullal.
Vastavui randamil lambuan
starikku, orožu selläs,
"Ozutas sualehet, velli,
midäbo ehkoi sait ambua"?
"Nareko kandelen karuu.
Ei minun orožu ammu.
Mureni liipačim ammui.
Uudeh, näit, ei ole varua".
"Oletgo sinä sit mielis?
Mikse sa kandelet, raukku?"
"Koiru, näit, sevošto haukkuu…
Harjavui olemah dielos"…
Minägi kavottiin unet,
hälimös… Ollengo urai?
Minulgi liipačim murei…
Tolkutoi orožu – runot.
