Тексты
Вернуться к списку
| редактировать | удалить | Создать новый
| Статистика
| ? Помощь
Larisa Smolina.
Igähižiden rahvahiden forum mäni Krasnojarskas
Источник:
Kodima. 2026. 23.09 (№ 09 (402)). С. 3
Larisa Smolina
Igähižiden rahvahiden forum mäni Krasnojarskas
вепсский
Младописьменный вепсский
Rahvahidenkeskeine igähižiden rahvahiden forum, mitte mäni Krasnojarsk-lidnas täl vodel, oli omištadud Mail’man igähižiden rahvahiden päiväle. Se praznuitas 9. elokud.
Forum ühtenzoiti enamba 700 ristitud Venäman 27 regionaspäi da 14 verhas maspäi. Forumal mugažo radoiba Venäman Pohjoižen, Sibirin da Edahaižen Päivnouzman igähižiden vähäluguižiden rahvahiden associacijan ezitajad. Vepsläižid Karjalaspäi ezitin minä, neniden sanoiden kirjutai.
Foruman programmas oliba panel’sessijad, paginvastused, kus letihe mugoižid päivänteraližid küzundoid, kut vähäluguižiden rahvahiden nevondištoiden rad Venäman regionoiš, zakonad, vähäluguižiden rahvahiden oiktused da l’gotad, söm, rahvahan tervhuz’, il’mišton vajehtamine.
Nügüd’ vähäluguižiden rahvahiden nevondištoil om sur’ vägi, sikš ku iče rahvaz voib kohtha pagišta valdmehidenke ičeze elos, problemoiš, küliden socialiž-ekonomižes kehitoituses, kodikelen da kul’turan kaičendas, ühthižrados biznesmehidenke, miččed radaba vähäluguižiden rahvahiden tahoil.
Foruman aigan mäni XI Venäman Pohjoižen, Sibirin da Edahaižen Päivnouzman igähižiden vähäluguižiden rahvahiden associacijan suim, koordinacijaližen nevondišton ištund, "rahvahaližen dokladan" prezentacii, mitte ozuti vähäluguižiden rahvahiden panendad Venäman kehitoitusehe, Kodiman kaičendaha.
Suimal mugažo pagištihe associjacijan rados, voden satusiš, oli valitud prezidium da koordinacijaline nevondišt. Oli tehtud kožmuz "Jamaläl’genikoile!"-organizacijan da Rahvahaližen pedroidenpidäjiden sebran ühthižrados.
Foruman aigan Associacijan prezident Aleksandr Novjuhov vastsihe Venäman federaližen rahvahiden azjoiden agentstvan pämehenke Igor’ Barinovanke, Venäman prezidentan täuz’valdaližen ezitajanke Sibirin federaližes ümbruzkundas Anatolii Seriševanke da Krasnojarskan agjan pämehenke Mihail Kot’ukovanke. Vastusel pagištihe associacijan, valdkundan da agentstvan ühthižrados, mitte om oigetud ezmäi kaiked vähäluguižiden rahvahiden elon kehitoitusehe.
Forumal radoi XXI Rahvahidenkeskeine "Pohjoižen kal’huded. Venäman mastarid da taidehpirdajad" -ozuteluzjarmark. Se oli tehtud "Rossija" -Rahvahaližes keskuses da Krasnojarskan keskrandirdal. Mastarid Venäman erazvuiččiš regionoišpäi tegiba mastar’-klassad, openziba kaikid tahtnikoid radmaha käzil, äjan pajatiba, kargaižiba da ozutiba ičeze rahvahaližid sädoid. Kaikutte region tegi ičeze ozutelusen, miččel toi ezile erazvuiččid kaluid, sädoid, käzitehmusid, kirjoid, sömäd da m. e.
Lopihe forum Jenisei-jogen randal surel čomal koncertal, kus eziniba karg- da pajokollektivad Venäman erazvuiččiš regionoišpäi. Vepsläižid eziti Babajevon rajon Vologdan agjaspäi.
