Тексты
Вернуться к списку
| редактировать | удалить | Создать новый
| Статистика
| ? Помощь
Bronzova Aleksandra.
Louhi-akka kuččuu käymäh
Источник:
Oma mua. 2026. 30.09 (№ 38 (1828)). С. 2
Bronzova Aleksandra
Louhi-akka kuččuu käymäh
карельский: собственно карельское наречие
Новописьменный севернокарельский
Koštamukšen kaupunkimusejošša avattih uuši näyttely, kumpani on omissettu karjalaisella elämäntavalla. Louhi-akan koti on paikka, missä vanhat legendat elvytäh ta kantatuattojen iänie šai kuulla.
Karjalan pelletti -yhtijön kommunikointipalvelun johtaja pani merkillä, jotta Severstal’-yhtijön ta Pohjosen hyvyš -fondin partn’orišuhtehien anšijošta kirjašto ta musejo šuatih šuorittua jo eryäš kulttuuriprojekti.
Mistäpä tämä näyttely kertou? Projektin johtaja Marija Men’šikova šanelou, jotta hyö projektijoukon kera yritettih luatie tovellisen vienankarjalaisen koin ilmapiirie, jotta joka esineh kertois omua istorijua. Nyt koululaiset ta opaštujat šuahah enämpyä tietuo karjalaisien entiseštä elämäštä. Kaikki kertomukšet liitytäh Kalevala-eepossah. Šen šankari – Louhi on Pohjolan muan emäntä. Louhešta eri erinmoisie mielipitoja – projektissa häntä ei näytetä ilkienä akkana, vain karjalaisena naisena, kumpasella on erikoista voimua.
Monella näyttöesinehellä on oma istorija: eryähät on löyvetty fondiloista, eryähät rahvaš tuotih. Esimerkiksi avajaisissa musejo šai lahjakši Julija Filippovalta öljylampun ta hevoiskenkän.
Simvolisešti Louhi-akan koin avuan annettih pohjosien laulujen ta tapojen šäilyttäjän Hete-ryhmän johtajalla Maksim Smirnovilla.
Projekti "Louhi-akan koti" piäsi Pohjosen hyvyš -fondin Venäjän Pohjosen musejot -ohjelman XVI-grantikilpailun voittajakši. Kilpailuo piettih Severstal’-yhtijön ta toisien partn’orien kannatukšella.
