Тексты
Вернуться к списку
| редактировать | удалить | Создать новый
| Статистика
| ? Помощь
Aleksandra Lesonen.
Pityän huolta mečäštä
Источник:
Oma mua. 2026. 07.10 (№ 39 (1829)). С. 3
Aleksandra Lesonen
Pityän huolta mečäštä
карельский: собственно карельское наречие
Новописьменный севернокарельский
Šyyškuun kirkkahana päivänä Koštamukšen mečänhoijon ruatajat yheššä kolmen vapuaehtosen kera ošallistu Venäjän aktijoh "Šäilytämmä meččyä". Yheššä hyö issutettih 2000 taimenta hakkuupalalla Ahvenjärven kivien viereššä.
Tällä kertua meččäkunnoštamisen inšeneri Irina Tarbenko piätti pityä eksperimenttie ta valičči aktijuo varoin 0,8-hehtarisen hakkuupalan, kumpani ei ollun valmissettu taimien issuttamisekši.
– Tällä hakkuupalalla puut kašvetah iččenäisešti. Noin 500 mäntyö kašvo tiälä iččenäisešti. Myö piättimä auttua luontuo ta issuttua lisäkši lisyä 2000 taimenta. Enši vuotena kačomma, kuin ne juurrutah, šanou Irina.
Još vielä viijen vuuvven piäštä spesialistit nähäh vähintäh 2200 yli 0,8-metristä mäntyö, ni hakkuupala šiirretäh meččäfondin maih.
Mečänhoijon spesialistit šanotah, jotta mečän issuttamini on šuuri ta tärkie ruato. Karjalan luonnonvarojen ta ekologijan ministerijö tarkkah kaččelou, jotta mečänkunnoššuš olis ruattu kaikkien vuatimukšien mukah.
Puita lašetah iče mečänhoijon ruatajat paikan piällä šekä käyttyän valokuvie avaruošta.
