Тексты
Вернуться к списку
| редактировать | удалить | Создать новый
| Статистика
| ? Помощь
Galina Ol’kina.
Kaiken nedälin sinuu vuotin
Galina Ol’kina
Kaiken nedälin sinuu vuotin
карельский: ливвиковское наречие
Новописьменный ливвиковский
tyttö: Kevät tuli, nurmi kazvoi
Jälles vihmu ilmastu.
Ezmässargen sinuu vuotin,
Mindäh sinä et tulluh?
briha: Oh, armas, neičykkäine, minun
Älä virka vai ni kel,
Ezmässargen sinuu vuotin
Kainen ilduzor’aizen.
tyttö: Mikse kävyt sinä harvah,
Minun peldokukkaine?
Sinun vuottajes jo kuivin,
Ga ku niittyheinäine.
briha: Tossargen en voinnuh tulla,
Armas, kevätlinduine.
Kengät vaaksain, jallat kengiin,
A furaškua en löydänyh.
tyttö: Mibo furaškas on viga,
Vai mieldy myö sinul en ole?
Čomuon kauti en tuhmennuh,
Dai kazvuo myö en pienennyh.
briha: Kolmanpäivän, sanon pravvan,
Tulin sinun ikkoin al.
St’oklua vaste plikutin,
Dai ikkunua vie klokutin.
tyttö: Mibo vigoi nellänpiän on,
Mindäh tulla voinnuh et?
Minul se paha tuli mieleh ̶
Sinä toštu mieles piet.
briha: Nellänpiän dai piättenčän
Tuatto kieldi lähtemäs:
– Ruadoh tartuo olet pattii,
Brihastamah – moločču.
tyttö: Tyttö-rukat, avvutakkua,
Midä voinnou azuo sil.
Varustimmos miehel mennä,
A häi tahtou hyllätä.
briha: Minun armas neičykkäine,
Kylys hätken pezimmös,
A sit vierin pitkin laučua,
I nostannuh ei ni ken.
tyttö: Vai ku suvainnet, et uinuo,
Enämbiä et suvaiče.
Oh, podruškažet, rodieu minul
Pimies yksin kävellä.
briha: Huolehtie minuu ei pie,
Vallas sinule olen,
Kaikes nedälis en voi olla
Sinuspäi erikselleh.
mollei: Suuri soitto suas rubl’as,
Iänii – kahteh sadassah.
Kaiken nedälin olemmo eros,
Pyhänpiän vastavummo.
